Timi Asimi
Inuusuttut sulinissaminnut piareersimapput
Inuusuttunik sammisaqarfiup Timi Asimi ukiuni sisamani inuusuttut 135-it suliniummi peqataatissimavai
Timi Asimi Task Force tassaapput inuusuttut, piffissaq sivikitsoq atorlugu nalunaarfigineqarlutik suliassanik assigiinngitsunik ingerlatsisartut, suliniutilik pisortarlu Kim Godtfredsen tusagassiorfinnut nalunaarutikkut oqaluttuarpoq.
Nuuk Imeq ullormik ataatsimik piffissalerlugu Timi Asimi-mut saaffiginnimmat inuusuttut qulit Nuuk Imermi saliinissamut sukkasuumik piareerput. Saliinermi tamatumani angusat paatsuugassaanngillat. Eqqagassarpassuaqarpoq, puussiarsuillu qernertut 40-t sinnillit immerneqarput, Kim Godtfredsen oqaluttuarpoq.
Akissarsissutigaat soorunami ikinngutit naapinnerat, aammalu Nuuk Imeq-mi ullaakkorsiorlunilu ullo´qeqqasiorneq, minnerunngitsumillu qanorsuaq sodavand-isorusukkaanni.
– Inuiaqatigiinni akisussaaqataasariaqarpoq pinngortitarlu paaralugu, Kim Godtfredsen oqarpoq.
Nuuk Imeq ukiuni pingasuni Timi Asimi-mut aningaasaliisuusimavoq, suliniut aningaasalersorlugu. Suleqatigiinnikkut saliisarneq pilersinneqarsimavoq, inuusuttunut aamma Nuuk Imermut nuannaarutaasumik.
Inuusuttut inuiaqatigiinni suliassanut saliinermilu suliniutinut nutaanut piareersimapput. Suliffeqarfiillu allat eqqartik sukkasuumik salitiskkusukkunikku Timi Asimi attaveqarfigineqarsinnaavoq, Kim Godtfredsen oqarpoq.
Inuusuttunik sammisaqarfik Timi Asimi ukiut sisamat ingerlaneranni inuusuttut 135-t suliniummi peqataatissimavaat. Inuusuttut tamakkua tamatigut Timi Asimi tarninga kajumissuseqassuserlu atugaraat. Tassaapput Timi Asimi Task Force.