Ilinniarneq
Inuusuttut pingajorarterutaat susaqanngitsut
Inuusuttut 16-it aamma 25-t akornanni ukiulliut 32 procentii 2015-imi sulinngillat imaluunniit ilinniagaqanngillat. Ukiumut siulianut sanilliullugu appariaateqalaarput.
Annonse
Inuusuttut pingajorarterutaasa missaat 2015-imi suliffeqaratilluunniit ilinniakkamik aallartitaqanngillat. Naatsorsueqqissaartarfimmit kisitsisit nutaat takutippaat.
Tassani inuusuttut 16-it aamma 25-t akornanni ukiullit 32 procentii susaqanngitsut pineqarput, arnat angutillu amerlaqatigiit taamaapput.
Taamaattorli appariaateqalaarput, 2014-imimi 35 procentiugamik. Appariaataasoq siullermik 217-it suliffeqalersimanerannik pissuteqarpoq.
Appariariartuinnarnissaatali oqaatiginissaa suli siusippallaarpoq. 2011-imili inuusuttut suliffeqaratik imaluunniit ilinniakkamik ingerlataqanngitsut ikilisarlutillu amerliarput, assigiimmillu takussutissartaqarani.