inuusuttut inatsisartut
Inuusuttut Inatsisartuni ataatsimiinnissamut piareertut
Inuusuttut Inatsisartuisa ataatsimiinnerat 18-it aamma 24-t akornanni ukiulinnik 30-nik nunami tamarmeersut peqataasoqarluni ataasinngorpat Nuummi aallartissaaq
Ataasinngornermit tallimanngorneq ilanngullugu inuusuttut 18-it 24-llu akornanni ukiullit Inatsisartut Nuummi ataatsimiittarfiat atussavaat, tassani Inuusuttut Inatsisartui 2075 aallartissaaq.
Inuusuttut ukiormann sammisaq ”Kalaallit tunngaviusumik inatsisaat. Nammineq tunngaviusumik inatsiseqalernissatsinnut piffissanngorpa?” oqallisigissavaat, Inatsisartut tusagassiuutinut nalunaarummi ilisimatitsipput.
Siunnersuummik suliaqarneq
Inuusuttut peqataasut siullermik tunngaviusumik Inatsisartut aamma demokrati pilluguit ilisimasanik pissarsissapput. Tamatuma kingorna tunngaviusumik inatsisissaq oqallisigineqassaaq, tassanilu filmit, eqquiniaanerit ilaassapput.
Inuusuttut Inatsisartut aamma Inatsisartut ataatsimiittarfianni ataatsimiissapput, tassanilu siunnersuummik suliaminnik saqqummiussillutik illersuissapput.
Peqataasut naggataatigut inerniliussamik Inatsisartut aamma Naalakkersuisut siulittaasuinut uppernarsaammik tunniussissapput.