ungdomspolitik
Inuusuttut Ataqatigiit nutaamik siulersuisoqarlertut
Inuusuttut ataqatatigiit ippassaq immikkut ittumik ataatsimeersuarnerminni nutaamik siulersuisoqalerput
Siulersuisunu ilaasortat arlallit tunuarniuteqarnerisigut Inuusuttut Ataqatigiit ippassaq sapaammi immikkut ittumik ataatsimeersuarput. Inuusuttut partiiat tusagassiutinut nalunaarummi taama paasissutissiipput.
Atuaruk: IA-p Inuusuttai: Inuusuttut suliffissaaleqinerat inuiaqatigiit ajornartorsiutigaat
Ilaasortat pingasut tunuarput
- Ungasinngitsumi Jane P. Lantz Inuusuttut Ataqatigiit siulersuisuniit tunuarniuteqarpoq. Ukiut arlalinningortuni siulersuisuneereerluni, Janemut piffissanngorsimavoq allamut saassalluni. Jane siulersuisunut 2007-mili ilaasortaavoq, Inuusuttut Ataqatigiit allapput.
Kommune kujallermi ilaasortaq Avaaraq Olsen aamma tunuarniuteqarpoq. Taanna najugaq qimannagu ilinniartitsisunngorniarlunilu erningajalerami inuusuttuni suleqataanini qimassallugu aalajangersimavoq.
- Muté B. Egede, qinigaq, ataatanngorlaaq aammalu ilisimaneqartutut Naalakkersuisunngorlaavoq. Muté aamma paasinartumik amerlasuunik ulapputissaqarluni ingerlaqqittussanngorpoq, Inuusuttut Ataqatigiit paasissutissiipput.
Siulersuisut nutaat aaku:
- Siulittaasoq: Laars-Salik Henningsen
- Siulittaasup Tullia: Nukannguaq B. Jensen
- Aningaaserisoq: Arkaluńguak ́ Henningsen
- Allatsi: Petra Olsvig Inûgsugtok’
- Siulersuisunut ilaasortat: Iddimanngiiu Bianco, Erneeraq Poulsen Bibi Nielsenilu