Arctic Winter Games
Inuusuttut Arctic Winter Games sioqqullugu pikkorissarneqartut
Royal Greenlandip inuusuttut 30-it, issittumi unammiuaarnernut tikeraat tikippata pitsaanerpaamik sullissisinnaanngorlugit piginnaanngorsarneqarput
Inuusuttut 30-it, taakkunannga qulit sineriammeersut 20-llu Nuummeersut Arctic Winter Gameseqartoqarnerani tikeraat tikippata pitsaanerpaamik sullissisinnaanngorlugit piginnaanngorsarneqarput.
Aningaasaliineq
Inuusuutut 30-it 17-iniit 21-inik ukioqartut ataasinngormalli pikkorissarnermi ‘Inuusuttut Kivitsissussat’-nik taaguuserneqartumi pikkorissarneqarput. Royal Greenlandip AWG 2016-mut tapiissutanut Nanormik taaguserneqartumut pikkorissartitsineq ilaavoq.
Atuaruk: Royal Greenlandip AWG 2016 tapersersorpaa
Ataatsimoorluni aqutsisinnaaneq, kajumissutsimik sulineq kiffartuussinerlu, issittumi inooriatsit oqaatsillu, Arctic Winter Gamesimi ingerlatsisarneq aammalu tusagssiutinut tunngasunik sammisaqartitsinermik pikkorissartitsineq imaqarpoq.
Akeqanngitsumik sulisut
Inuusuit kivitsisussat pikkorissartinneqarneranni inuussutissarsiuteqartuni sulisunit, Inuit Issittormiut Kattuffianni ICC-mi, Nunatta Katersugaasiviani, Piareersarfimmi Kalaalit Nunaanni Timersoqatigiiffiit Kattuffianni kiisalu Tusagssiornermi Ilinniarfimmi sulisunit inuusuttut pikkorissartinneqarput. Pikkorissaasut akeqanngitsumik sulipput.