nuuk sap. ak. 18

Inuusuttut angajoqqaaminnut: Aalakoornartoq unitsillugu paaritigut

Kommuneqarfik Sermersuumi inuusuttut ilinniarfeqarfiit ilaannit immikkut sammisaqarnermi oqaatigerusutaminnik ujartuiffigineqarput sapaatip akunnera 18-imut tunngatillugu. Eqqarsaammernartunillu oqariartuuteqarput.

Uge 18, Kommuneqarfik Sermersooq, plakat
Kommuneqarfik Sermersuup Sap. ak. 18 imatut malunnartinniarpaa
Kommuneqarfik Sermersuup Sap. ak. 18 imatut malunnartinniarpaa
Kommuneqarfik Sermersuup Sap. ak. 18 imatut malunnartinniarpaa RedaktionenKommuneqarfik Sermersuup Sap. ak. 18 imatut malunnartinniarpaa RedaktionenKommuneqarfik Sermersuup Sap. ak. 18 imatut malunnartinniarpaa RedaktionenKommuneqarfik Sermersuup Sap. ak. 18 imatut malunnartinniarpaa RedaktionenKommuneqarfik Sermersuup Sap. ak. 18 imatut malunnartinniarpaa Redaktionen

Kommuneqarfik Sermersuumi sapaatip akunnera 18-imut atatillugu sammineqarpoq Inuusuttut oqariartuutaat. Tamanna nalunaarutigineqarpoq kommunip peqqissutsimut, pinaveersaartitsinermut sunngiffimmilu sammisassaqartitsinermut immikkoortoqarfiata tusgassiorfinnut nalunaarutaani.

Nuna tamakkerlugu qulequtarineqarput ”Inersimasutut akisussaaffiit”.

Kommuneqarfik Sermersuup immikkoortortariaqarfiata pitsaaliuinermik suliaqartut ilinniartut imigassamik aalakoornartortalimmik nalaattagaannik paasiniaapput. ”Inuusuttut oqariartuutaat” eqqarsaammernartunik oqariartuuteqarput, sapaatip akunnera 18-imullu atatillugu saqqummersinneqarlutik, pinaveersaartitsinermut siunnersorti Eva Kirkegaard tusgassiorfinnut nalunaarutikkut paasissutissiivoq.

– Angajoqqaat imigassamut qimaanerat pissutaalluni inuusuttut puigorneqartutut inissittarput, pinaveersaartitsinermut siunnersorti isumaqarpoq, oqarlunilu inuusuttut ujartoraat oqaloqatigiilluni ajornartorsiutit qaangerneqarsinnaasut.

– Inuusuttut oqariartuuteqarnerminni ersersippaat nuannarinagu ilaquttat imigassamik, ikiaroornartumik sunnertisimalernermi aatsaat misigissutsitik anninniartarmatigik. Ernumapput namminneq isigisatik tusaasatik ingerlateqqissasoralugit, Eva Kirkegaard isumaqarpoq.

Hans Peter Brobergip, Kommuneqarfik Sermersuumi atuarfeqarfimmi pisortap tusagassiorfinnut nalunaarut naapertorlugu ”Inuusuttut oqariartuutaat” ilisarnartoqarnerarpai.

– Ajoraluartumik naammattoortarparput aanngajaarniutinik atornerluinermik pissuteqartumik atuartut atuartuunissaraluat pitsaasoq ajalusoortarmat. Atuartut aanngajaarniutinik atuilersinnissaraluat pinaveersaartinnissaanut pingaarpoq angajoqqaat qitornamik ullormut akunneq ataaseq sivisunerusumilluunniit sammisaqaqatigalugit ilagisarnissaat,” Hans Peter Broberg oqarpoq.

Kommuneqarfik Sermersuumi Meeqqanut, Ilaqutariinnut Atuarfeqarnermullu ataatsimiititaliami Siulittaasoq Poul Hansenip kaammaattuutiga sapaatip akunnera 18 iluatsillugu aanngajaarniutit pillugit paqumisugani oqatigiinnerit ingerlassasut.

– Nunatsinni ajornartorsiutit ersarissiartortut ilagaat aalakoorniutigalugu imigassartoriaaserput ajornartorsiutaasoq. Imigassartornermut atatillugu ileqqut imigassartoriaaserlu qitiutillugit oqallinnissamut kajumissaarpakka. Oqallisigineritigut illersussavagut meeqqat inuusuttullu angerlarsimaffimminni ersiunnginnissaat, persuttaattunik isigisaqannginnissaat, nakuuserfigineqannginnissaat, kinguaassiutitigullu kanngutsaattuliorfineqannginnissaat. Meeqqat inuusuttullu pillugit akisussaaffimmik tigusigit. Eqqaamajuk max4tassa, inuusuttunullu meeqqanullu maligassiuillutit, tusagassiorfinnut nalunaarut malillugu Poul Hansen oqarpoq.

Progammi ilanngussaq kommunillu inuusuttut oqariartuutaannik plakatiliai takukkit.

Powered by Labrador CMS