meeqqat inuusuttullu
Inuusuttunut atugarliortunut ikiusut annertuumik tapiiffigineqarpoq
Nunafondenip aamma Islandip Røde Korsiata immikkut 160.000 sinnerlugit Røde Korsip inuusuttunut suliniutaanut tunniussipput
Inuusuttunik suliniuteqarfik KRK-INUA annertuumik 160.500 koruuninik tapiissutiseqqammivoq.
Aningaasat inuusuttunik atugarliuutilinnik suliniummi sammisassaqartitsiniaanernut Aasianni, Ilulissani, Sisimiuni, Nuummi Qeqertarsuatsiaanilu sulianik nangitsinermi atorneqassapput.
Kajumissutsimik sulisunut ilinniartitsineq
Illoqarfinni taakkunani taaneqartuni inuusuttunik kajuminnertik tunngavigalugu sullissisunik pikkorissaanernut ilinniartitsinernullu atussapput, inuunermut akersuussinnaanngorlugit piginnaanngorsarlugillu kiisalu inuunermi unammillernartunut akersuussinnaalernissaat anguniarlugu sulissuteqarfigineqassallutik.
Atuaruk: Nakuusa: Meeqqat affaasa maanna pisinnaatitaaffitik ilisimavaat
Islandimi Røde Korsip aningaasaliissutai, tunniunneqartut amerlaqatipajaarisai Røde Korsimi kajumissutsiminnik sulisunut aamma nunatsinni isumaginninnikkut iliuuseqarnermut aningaasat qajannaatsut iluaqutaassapput.
Suleqatigiinnissaq annertooq
Maanna Kalaallit Røde Korsiannit neriuutingineqarpoq, aningaasaateqarfimmit annertunerusumik tapiiffigineqarnissaq, taamma ukiut pingasut tallimallu akornanni nutaamik suliniummik isumaqatigiissuteqarnissamik soqutiginnipput.
Nunafondep aningaasaateqarfiattaaq 50.000 koruuninik juulimi Sisimiuni meeqqanik inuusuttunillu 30-nik aasaanerani tammaarsimaartitsinissamut aningaasanik tunissuteqarput.
Atuaruk: Qaasuitsumi meeqqanut suliat pillugit nakkutilliisut nutaat