Kommune Kujalleq
Inuusuttunut atuakkiorniarluni politikkimit tunuartoq
Kelly Berthelsen (IA) Kommune Kujallermi kommunalbestyrelsimut ilaasortatut tunuarniarluni aalajangerpoq
- Sulisussaaleqineq pissutigalugu qinikkatut suliinnassaguma sulisutut qinikkatullu suliassakka tamakkiisumik isumagisinnaajunnaassavakka. Tamakkiisumillu arlaannaalluunniit tunniusimaffigisinnaanngikkukku kikkunnulluunniit iluaqutaanavianngilaq.
Kelly Berthelsen, Inuit Ataqatigiit, kommunimi qinikkatut sulineq qimanniarlugu aalajangertoq, taama allappoq.
Atuakkioqqinniartoq
Kelly Berthelsen aamma atuakkiortuuvoq, tassami atuakkiaa 'Tarningup Ilua' 2001-imeersoq Franskisuunngorlugu nutserneqaqqammerpoq. Atuakkioqqinnissaminut piareerluni, taanna ilisimatitsivoq.
- Ukiuni kingullerni qinikkatut sulinermut nukinnik atuisimanerujussuara pissutigalugu eqqumiitsuliortutut, tassa allattartutut, suliakka assut tunulliussimavakka, inuusuttut atuagassaaleqissunneqarnerisa nalaanni inuttut ajuusaarutigisaqisannik, taanna oqarpoq.
Kelly Berthelsen qinikkatut sulinermit tunuaraluarluni inuiaqatigiinni pissutsit allaaserisarniarpai aamma oqallinnermut peqataasarluni.