GM futsal
Inuusuttuaqqat illup iluani arsaannermi GM-issapput
Nukappiaqqat niviarsiaqqallu 18-it ataallugit ukiullit futsalimi Kalaallit Nunaanni pissartanngorniuttoqassaaq akunnerup naanerani
Annonse
Isikkamik arsaannermi neriunaatillit futsalimi Nunatsinni pissartanngorniutissapput akunnerup naanerani.
Nunatsinni niviarsiaqqat nukappiaqqallu 18-t inorlugit ukiullit pissartanngorniunnissaannut makitsisoqartareerpoq.
Niviarsiaqqat Nuup Timersortarfissuani pissartanngorniutissapput, nukappissat Ilulissani pissartanngorniutissallutik.
Nukappiaqqat GM-ernerat tallimanngornermit arfininngorneq ilanngullugu ingerlanneqassaaq, niviarsiaqqat arfininngornermit sapaat ilanngullugu unammisaqattaassallutik.
Timersoqatiiffinnit unammisartut tallimat unammisorineqarsinnaapput, unamminernilu immikkoortoq ataaseq minutsini 15-ini sivisussuseqartassaaq.
Allaaserineqartup talerpiani qanoq makitsisoqarsimanersoq takuneqarsinnaavoq