Elitesport

Inuusuttoq sisoraatinik sangusaartartoq Elite Sport Greenlandimit tapersersorneqalertoq

20-nik ukiulik Nuunu Chemnitz Berthelsen sisoraatinik sangusaarluni angusarissaartarsimanini pillugu Elite Sport Greenlandimit tapersersorneqalerpoq. 2018-mi Korea Kujallermi OL-ertoqarnissaa anguniangaavoq.

ip siulittaasuata Malik Olsen Hegelundip Nuunu Chemnitz Berthelsenillu suleqatigiinnissamik isumaqatigiissut atsioraat Elite Sport Greenland

Sangusaartartoq pikkorissoq Nuunu Chemnitz Berthelsen Nuummiu arlaleriarluni angusarissaartarsimavoq.

Elite Sport Greenlandillu sangusaartartoq aningaasatigut tapersersorniarlugu tusagassiuutinut nalunaaruteqarpoq.

- Elite Sport Greenlandi (ESG aaqq.) tapersersuisarpoq timersortartut timersuutiminni pikkorinnerpaamiilertikkumallugit, massakkullu Nuunu timersuutini ukkatarinerunissaa siuariartornissaalu anguniarlugu ESG tapersersortussanngorpaa. Aamma ujakkaartartoq Martin Møller pikkorivissutut ESG-mit tapersersorneqarpoq, ESG tusagassiuutinut nalunaarummi taama allappoq.

Atuaruk: Nuunu siuariarujussuartoq

OL-mik sinnattoq

ESG takusinnaavaa timersuutimini piukkunnaateqarnera, taamaasilluni pikkorinnerpaaffianut tapersersornialerlugu. Taassumami ukiup tulliani ukiaanerani OL-ertoqarnissaanut peqataanissani anguniangaraa.

Ukioq 2016 ESG isumaqatigiissuteqarpoq Nuunu anguniagassaanik, suleqatigiissut piukkunnaatilimmiik pikkorivissunut tapersersuut qaffariartinneqassappat – isumaqatigiissullu piviusunngortippaa.

- Pikkorivissunut tapersersuineq siunnersuinerlu atuutilissaaq ukioq 2017 sisorarfiusup tullaniik. ESG erinigaa siuariartornermik, anguniakkanik aamma angusanik anginerusunik peqataanissaminut, taamaasilluni Kalaallit Nunaat nunarsuarmioqatitsinnut timersornermi nuimanerunissaa angussallugu, Elite Sport Greenland taama nalunaaruteqarpoq.

Powered by Labrador CMS