Ilulissat
Inuusuttoq angallataatilik annertuumik aningaasaliissuteqarpoq
Haansi Ortu Sandgreen angallammik nutaamik qaleralinniummik saarullinniutaasumik danskit amutsiviannik sanatitsinissaminut isumaqatigiissuteqarpoq
Annonse
Ilulissaneersoq 26-nik ukiulik fiskeskipperi Hansi Ortu Sandgreen, danskit amutsiviannut angallammik ningittakkersuummik qassusersuummillu qaleralinniutissamik aamma saarullinniutissaamik sanatitsinissamut isumaqatigiissuteqarpoq. Fiskerforum.dk taama ilisimatitsivoq.
Angallat 14,99 meterisut takissuseqassaaq 5,5 meterisullu silissuseqassalluni aammalu 31,9 bruttotonsinik usitussuseqassaaq. Angallat arfinilinnik inuttaqarsinnaanngorlugu sananeqassaaq.
Aggustimi
Vestværftet Hvide Sandemiittup angallat 2016-mi aggustimi naammassinissaa naatsorsuutigaa.
Hansi Ortu Sandgreen maanna 33 fod awi boatimik angallateqarpoq, taanna 2011-mi pisiaraa, Fiskerforum.dk ilisimatitsivoq.