Kapisillit

Inuussutissarsiornikkut ineriartortoqarnissaanik nunaqarfik kissaateqartoq

Kommuneqarfik Sermersuumi borgmesterip, Asii Chemnitz Narupip (IA), ataasinngormat Kapisillit tikeraarpai

Kommuneqarfik Sermersuup borgmesteria Asii Chemnitz Narup Kapisilinni

Nunaqarfimmi siuarsaanissamut aningaasat atugassat, Kapisilinnut aningaasaliissutit, nunaqarfimmi eqqagassanik immikkoortiterisarneq, takornariaqarnermi periarfissat inuussutissarsiornermilu periarfissat.

Qulequttat sammineqartut ilagaat Kommuneqarfik Sermersuumi borgmesterip, Asii Chemnitz Narupip (IA), ataasinngormat nunaqarfimmi Kapisilinni paasissutissiilluni ataatsimiisitsinerani takkuttut 20-t missaaniittut oqaluusererusutaat.

Atuaruk: Nuummiit Kapisilinnut aqqusineqalernissaanik Asii siunnersuuteqartoq

Ineriartornissamik kissaat
Borgmesterip Kapisilinni Qeqertarsuatsiaanilu nunaqarfimmi aqutsisut ukiumoortumik qanimut ataatsimeeqatigiinnissanni Kapisilinni pisussamut atatillugu nunaqarfimmut tikeraarpoq.

Inuussutissarsiornermi siuarsaaneq takkuttut eqqartussallugu soqutigineruaat.

Atuaruk: Nunaqarfimmi eqqakkanik ikuallaavik atorunnaarpoq

- Kommunimi inuussutissarsiornermi siunnersuisoqatigiivi aallarnisaasunik ilitsersuinermik siunnersuinermillu suliaqarput, inuussutissarsiornermilu siuarsaanissamik tapersersuillutik. Taamaalilluni Kapisilinni inuussutissarsiornermi siuarsaanissamut isumassarsiallit suliniuteqartullu ilitsersorneqarnissamut ikiorneqarnissamullu periarfissaaleqinngillat, borgmester Asii Chemnitz Narup oqarpoq.

Paasissutissiilluni ataatsimiisitsinerup saniatigut nakorsiartarfik, Pilersuisoq nunaqarfiullu atuarfia borgmesterip pulaarpai.

Powered by Labrador CMS