Aalisarneq
Inuussutissarsiornermik suliniussuaq unitsiinnarneqartoq
Geenland Pelagic Fisheriesip Tasiilami umiarsualivimmik, aalisakkanik suliffissuarmik sulisunullu inissianik 80-inik sananissaminik pilersaarutini unitsiinnarpai
– Suliniut nalunartoqarpallaarsimaqaaq, Polar Seafoodip pisortaa Henrik Leth oqarpoq.
Suliffeqarfik Greenland Pelagic Fisheries inuussutissarsiornermik suliniussuarmik Tasiilamiittussamik, 6-700 millioner koruuninik nalilimmik pilersaaruteqaraluarpoq. Suliffeqarfik taanna pigineqarpoq Polar Seafoodimit, Royal Greenlandimit tuluillu ingerlatsiviannit J. Marrimit, Europap Kangianut, Asiamut Afrikamullu tuniniaanermik misilittagaqarluartumit.
Ineriartortitsinermik pilersitsiniaraluartut
Illoqarfimmi 2.000-inik inulimmi, innuttaasut 200-t sinnillit suliffissaaleqiffianni, siuariartornermik suliffinnillu pilersitsinissaq siunertaasimagaluarpoq.
Kommuneqarfik Sermersooq 2015-imi juunimiilli suliffeqarfiup sanaartornissamut pilersaarutai inissarsiuullugit sulissuteqarsimavoq. Ssuliffeqarfiup pilersaarutigisimavaa umiarsualivimmik, aalisakkanik suliffissuarmik sulisunullu 80-inut inissianik sanaartornissaq, naatsorsuutigineqarsimallunilu suliffissuaq ukioq manna sanallugu inerneqareersimassasoq.
Piviusunngornavianngitsoq
Pilersaarutinut periarfissat misissornerannut kommunip qaammatit qulingiluat atorsimavai, borgmesterillu nuannaartup 2016-imi juunip 14-iani nalunaarutigaa kommunimut pilersaarummut ilassut kommunalbestyrelsip isumaqatigiissup akuersissutigisimagaa.
– Suliniut inissaqartinniarlugu pimoorussilluta sukkasuumillu suliniarsimavugut. Isumaqarpugut suliniut tapersersortariaqartoq, pingaartumik paasigatsigu 2009-mi kommunit kattunneqarnerisa tungaanut Tasiilami inuussutissarsiornerup siuarsarnissaanut suliniuteqartoqarsimanngitsoq, Asii Chemnitz Narup (IA) taamanikkut nassuiaavoq.
Atuaruk: Aalisakkanik tunisassiorfik 700 millionilik unitsikkallarneqartoq
Allaaserisaq tamaat Sermitsiami atuaruk, taanna ullumi pisiniarfinni pisiassaalerpoq. Aviisi uani aamma pisiarisinnaavat: