inuussutissalerineq
Inuussutissanut ilinniarfimmi Inuilimi naammassisut arfineq-pingasut
Cater aamma kantinemi ikiortit sisamat, aamma nerisassiornermut ikiortit sisamat soraarummeerlutik angusipput, tallimanngormallu soraarummeernermut uppernarsaatitik tiguaat
Nerisassiornermut ikiortit nutaat maanna napparsimmavinni, utoqqaat illuini, meeqqerivinni assingusunilu kantinani aamma igaffinni sulinissaminnut piareerput, taakku peqqinnartunik inuussutissaqarluartunillu nerisassiorsinnaapput.
Aammattaaq immikkut ittunik nerisassanut ilitsersuisinnaapput, soorlu sapigallit aamma sukkortut.
Atuaruk: Nerisassiortut Inuilimit nutaat
Ukiuni pingasuni ilinniarneq
Ilinniagaq ukiuni pingasunik sivisussuseqarpoq, marloriarluni sapaatip-akunnerini qulini tunngaviusumik ilinniarneq aamma marloriarluni sapaatip-akunnerini 15-ini inuussutissanik ilinniarfimmi pingaarnertut ilinniarneq, paaqqinnittarfinni igaffimmi imaluunniit kantinani allanngorartumik suliffimmik misiliisarluni.
Cater aamma kantinemi ikiortitut ilinniarneq ukiunik marlunnik affaanillu sivisussuseqarpoq, paarlakaallugulu igaffimmi aamma sisamariarluni atuarnertaqarpoq, katillugu sapaatip-akunneri 33-it inuussutissanik ilinniarfimmiittarput.
Ilinniarnerup kingorna ikiortit kantinani aamma paaqqinnittarfinni igaffinni qitiusumik atorfinni sulisinnaanngortarput.
Assit takukkit: Inuilimi utoqqarnut kaagiliortitsineq
Angusat pitsaasut
Soraarummeertullu angusarissaarput.
Maren R. Olesen, Dorthe Petersen aamma Doris Gundel agguaqatigiisilugu sølvimik ujaminnannissamut angusaat naammapput, Hilda Løvstrøm aamma Paneeraq Jeremiassen marluullutik bronzemik ujaminnannissamut naammattumik angusaqarput.