Inuup timaanik siumuineq: Nassaarineqartoq Gudruniussangatinneqarpoq

Qaqortup tasersuaata eqqaani inuit marluk aneertillutik inuup timaanik siumuipput. Siumorneqartoq 2017-mi novembarimi sumiiffeerunneqartuussasoq Gudrun Sanimuinaassasoq politiit ilimagaat

Tasersuaq, Qaqortoq

Qaqortup tasersuaani inuup timaa siumorneqarpoq, tassani inuit marluk tasersuup eqqaani aneertut siumorpaat, siumuinertillu politiinut nalunaarutigaat arfininngormat nalunaaqutaq 13.21.

Inuup timaa nassaarineqartoq arnaavoq inuusuttoq sivisuumik tasersuarmiissimasoq, politiit nalunaarput.

Inuup timaa qatserisartut ambulancellu ikiorteralugit qaqinneqarpoq. Pinerluttuliortoqarsimaneranik takussutsissaqanngitsoq politiit ilisimatitsissutigaat, atisaqartormi qaqinneqarpoq, politiit ilisimatitsipput.

Arnap inuusuttup timaata nassaarineqartup isikkua, atisalersorsimanera angissusialu naapertorlugit , Gudrun Sanimiunaassagunartoq politiinit ilisimatitsissutigineqarpoq, taanna siorna 2017-mi novemberip qaammataani Qaqortumi sumiiffeerunneqarpoq. Kamippai, Qaqortumi Tasersuup eqqaani siorna 2017-mi nassaarineqarput.

Gudrun Sanimiunap ilaqutai, Qaqortumi tasersuarmi arnamik inuusuttumik toqungasumik nassaartoqarneranik ilisimatinneqarput. Politiit ilimagaat nassaarineqartoq tassaasoq politiillu Gudrun Sanimiunak.

Nassaarineqartup kinaanera politiinit qulakkeerlugu paasiniarneqassaaq kiisalu toqusup timaanik misissuisoqassalluni, politiit ilisimatitsipput.

Powered by Labrador CMS