pisiniarneq
Inuuniarneq akisunerulaalersimavoq
Atuisuulluni akisuninngorpoq. Tassa ukiup affaata matuma siornamut sanilliullugu 0,2 procentimik akisunerulersimavoq
Neqi, nerisassat aamma sulinngiffeqarnermi angalanerit ukiormanna januaarimit juulimut akitsoriarsimapput.
Atuinermut agguaqatigiisillugu akit 0,2 procentimik qaffariarput, Naatsorsueqqissaartarfimmit kisitsisit nutaat tamanna takutippaat.
Atuaruk: Pisiassat akisunerulaalersut
Nerisassat akisunerusut
Nioqqutissani immikkoortuni 'nerisassat allat' annerpaamik akii qaffariartuupput, assersuutigalugu, pullassaatit, karamelrandit aamma mayonnaise. Ukiup affaata ingerlanerani akit 2,8 procentimik qaffassimapput.
Tuttup neqaata akia, medisterpølsit aamma savaaqqat iluitsut 2,6 procentimik akitsoriarsimapput, nunanullu allanut angalanerit 1,1 procentimik qaffariarsimallutik.
Ineqarnermut akit appariaataat
Ineqarnermut akit 0,8 procentimik appariarput. Tamanna uuliap akiisa appariarnerannik pussuteqarpoq, tamatuma kinguneranik innallagiaq kiassarnerlu akikillimmat.
Atuisunut akit qaffariarnerat piffissami juuli 2015-mit juuli 2016-imiut 0,9 procentiuvoq. Qaffariarneq piffissami januaarimit 2015-imit januaarimut 2016-imut qaffariaataasumit annikinneruvoq, tassani akit allanngoriaataat 1,2 procentiusimavoq.