Aqqit
'Inuuneq' aterineqarpoq
- Panera kuisikkami Inuunermik ateqalerpoq, Sermitsiaq.AG-ip Inuunermik ateqartoqarneranik ujaasinerani ataataq nalunaartoq oqarpoq
- Oqaluffimmi kukkusoqarsimanera qujassutigisarpara, ilaqutariit Heiselbergikkutut immaqa sukataarsimassagaluarpugut.
Lars Ulmer allappoq. Pania Inuunermik ateqarpoq. Ilaqutariit allat maannakkut sulissuteqarput panertik taama atsiunniarlugu, inuilli aqqinik akuersisartut itigartitsinikuupput.
Sermitsiaq.AG-ip Inuunermik ateqartoqarnersoq ujaasineratigut Lars Ulmer Sermitsiamut nalunaarpoq.
Lars Ulmerip ilimagaa panertik kisimi taamatut ateqartoq.
- Panerput Nuummi kuisippoq, decembarimilu 2009-mi Sisimiunut nuulluta. Taamaammat isumaqartoqarpoq Inuunermik atillit marluusut, Lars Ulmer oqarpoq. Annaassisitta Oqaluffiani Nuummi apriilip tallimaani 2009-mi kuisittoq oqaatigaa.
Kukkuneq
- Aqutsisoqarfimmit kukkusoqarnera pissutaalluni taama ateqalerpoq, oqarpoq.
- Ateq akuersitinniarlugu qinnuteqarpugut. Palaseqarfimmit akuerineqarpoq. Inuit aqqinik akuersisartut kuisereersoq ateq itigartippaat. Atia peerneqassanersoq peerneqassannginnersorluunniit oqallisigineqarpoq. Palaseqarfimmiilli nalunaaruteqartoqarpoq pisoq tassa pisimasoq, meeraq taama kuisissimappat taama ateqartoq, Lars Ulmer oqarpoq.