aningaasarsiat
Inuttat ernumasut
Ator nitsitaanermi isumaqatigiissutit amigaatillit, atorfeqarnermi atugassarititaasut pitsaanngitsut, tamakkua kilisaatini inu at isumaqatigiissuteqanngivinnerannit pitsaanerupput
Royal Greenlandip umiarsuaataanni inuttat atorfinitsitaanerminni ajortunik atugassaqartitaasarnerat aamma atorfininnerminnut atatillugu isumaqatigiissuteqartannginnerat, Sermitsiap saqqummiutereeraalu, Sermitsiaq kilisaatini siornatigut inuttaasarsimasunit maannalu inuttaasunit arlalinnit saaffigineqartarpoq.
Tamakkunani tamani atorfinitsitaanermut isumaqatigiissuteqartoqartannginnera aamma atorfininnermi atugassarititaasut ajortut oqaluttuarineqartarput. Kilisaataatilinnit soraarnerussutisiaqalernissamut aaqqissuussisoqarneq ajorpoq feeriaqarnersiuteqartoqarnerlu ajorluni tamakkulu uppernarsarsinnaavaat. Amerlanersaasali soraarsitaanissartik ernumagalugu saqqummerlutik oqaluttuarnissartik tunuarsimaargisarpaat tamannalu paasineqarluarsinnaalluni.
Umiartortut ilungersorlutik sulisut pineqarput, imminnut pilliutigipajaarlutik sulisuusut. Ilagisatik pilersorsinnaajumallugit sumiginnartariaqartarpaat. Ilagisamik pitsaasumik inuuneqarnissaat qulakkeerniarlugu, akiligassatik akiitsutillu akilersinnaajumallugit, piffissani sivisuuni avataaniittarput.
Atuaruk: Imarsiortunut inatsisissaq pillugu Sulisitsisut angerput
Sermitsiami saqqummertumi kingullermi allaaserisaq taamaat atuaruk, taanna uani pisiarisinnaavat: