Birna Bjránsdóttir
Inuttap allap Birna ilagisimagaa unnerluussaasup oqaatigaa
30-nik ukiulik Birna Brjánsdóttirimut toqutsisimasutut unnerluutigineqartup, inuttaaqatimi allap arnaq islandimiu biilimi kisimeeqatigisimanerarpaa.
Birna Brjánsdóttirimut toqutsisimasutut unnerluutigineqartup, Birna qanoq isilluni toqusimanersoq ilisimannginnerarpaa. mbl.is allappoq.
Eqqartuussineq ullumi allartinneqarpoq, 30-nik ukiulik unnerluutigineqartut nassuiaateqarnera pisussanut siullernut ilaavoq.
Taassuma nassuiaataa naapertorlugu, Polar Nanumi inuttaaqatini alla ilagalugu Reykjavikimi illoqarfimmiissimavoq. Pineqartoq suliamut tunngatillugu tigummingallagassanngortitaasimangaluarpoq, kingornali unnerluutigineqarnera politiinit atorunnaarsinneqarluni.
Taakku Reykjavikip illoqarfiata qeqqani arriitsumik biilimik ingerlaarsimapput, unimmatali niviarsiaraq islandimiu oqalulluni biilimut ikisimasoq, 30-nik ukiullip oqaluttuaraa. 30-nik ukiullip biilimik ingerlatsinerata nalaani inuttaaqataasup Birna oqaloqatigisimagaa, taanna oqarpoq.
Taanna nassuiaavoq inuttaaqataasoq oqarsimasoq niviarsiaraq kisimeeqatigilaarusullugu. Tamatumalu kingorna quiartornermini taakku ingerlatiinnarsimallugit.
Taassuma nassuiaateqarnera naapertorlugu oqarasuaatini suli biilimiittoq malugilersimavaa. Unnerluutigineqartulli inuttaaqatini naapeqqikkamiuk, niviarsiaraq ungasinngitsumi najungaqarmat apuussimangaa oqarsimanganeraavoq.
Tamatuma kingorna taakku marluullutik Polar Nanumut ikaarsimapput.
Nassuiaataalu politiinut oqaluttuarisimasaanut naapertuutinngitsoq, unnerluussisussaatitaasup Kolbrún Benediktsdóttirip uparuarpaa.
Birna Birna Bjránsdóttirs DNA-va qanoq isilluni singianut pisimanersoq nassuiaatigisinnaanagu, unnerluutigineqartup oqaatigaa. Sakiaminilu qitsuarnerit, sinilluni imminut qitsuartarnerarluni nassuiaateqarfigai.