Inussivik
Inussivik timersortarfik suli equjartuinnarpoq
Timersortarfissuup Inussiviup tunngavia aqitsoq aqiliartorpoq. Decembarimiit februaarimut nutarter- neqassaaq timesortarfik Arctic Winter Gamesit am- marneqarnissaannut piareersinnaaqqullugu
Maanna Inussiviup silataani containerit arlalissuit inissinneqarsimapput nutarternissaanut annertuumut decembarip aallaqqaataani aallartittussamut atortussanik imaqartunik. Timersortarfissuaq 2002-mi Arctic Winter Gameseqarnissaanut atatillugu sananeqarsimasoq kusertarpoq qalianilu pladit taarserneqartussaallutik.
Novembarip aallartilaarnerani Kalaallit Nunaata Danmarkillu futsalimi unamminerat immikkut ittumik kipitinneqarpoq. Arsaq ulersuarmut arsarfiup qulaaniittunut pisoorpoq. Ulersuaq ikkunneqarsimavoq aput qaaniittoq aaleraangat qalia kusertarmat.
Tunngavik aqitsoq
Maanna Arctic Winter Gamesit ammaneqarnis- saannut Inussivik iluarsaanneqartussanngorpoq.
- Arsaattarfiup Inussiviullu tunngavia aqitsuuvoq. Taamaattumik Inussivik equjartuinnarpoq. Tamanna ilaatigut isaariaatigut takuneqarsinnaavoq. Inuit arlallit malugisimassajunnarsivaat ukiuunerani matu matujuminaattartoq. Matu iluarsineqarsinnaagaluarpoq isaarissalli eqqaa ima equsimatigaaq matu iluarsineqarsinnaajunnaarluni. Soorunami aamma qalia kusertartoq iluarsineqassaaq, Nuummi Illorsuarmi Timersortarfimmi pisortaq Jens Berthelsen oqaluttuarpoq.
Allaaserisaq tamaat atuaruk, Nuummilu pisut annertuut annikitsullu takullugit. Nuuk Ugeavis uani akeqanngitsumik aasinnaavat: