Iginniarfik
Inunnik isumaginnittoqarfiup kanngutsaatsuliortanerit pillugit ilisimasai killeqartut
Iginniarfimmi kinguaassiuutitigut atornerluisimanermut atatillugu Qaasuitsup Kommuniani inunnik isumaginnittoqarfiup ilisimasakippallaarnini annilaarutigaa
40-nik ukiullip Kasper Brandtip Iginniarfimmeersup, kinguaassiuutitigut atornerluisarsimanini pissutigalugu siorna Qaasuitsup eqqartuussivianit killeqanngitsumik Danmarkimi pinerluuteqarsimasut inissiisarfiannut Herstedvesterimut pineqaatissinneqartup, Qaasuitsup Kommuniani ukiut kingulliit ingerlaneranni arnanik nukappiaqqamillu kinguaassiuutitigut atornerluisimaneranut atatillugu, kommunimi inunnik isumaginnittoqarfik annertunerusumik ilisimasaqanngilaq, taamaattumillu kommunimi innuttaaqataasut ilaasa pinerlineqarsimasut ikiorserneqarasuarnissaat iliuuseqarfigisimanagu.
Tamanna Ilulissani inunnik isumaginninnermut aqutsisoqarfimmiit tupassutigineqarpoq, pisimasunullu ilisimasakippallaarsimaneq ajuusaarnartutut isigineqarluni.
Allaaserineqartoq tamaat Tamanut Avannaanimi atuarneqarsinnaavoq. Qaasuitsup Kommuniani pisartut allat aamma aviisimi atuarneqarsinnaapput. Aviisi ataani akeqanngitsumik aaneqarsinnaavoq: