'Kalaallit Nunaat Tivolimi'
Inunnik apersuineq: Meeqqatulli qilanaartarpugut
Sermitsiaq.ag ullumi aammaarluni, inuppaalunnik Kalaallit Nunaat Tivolimiinnerannik apersuivoq
Åse Olsen, 29-nik ukiulik aamma Lula Müller 14-nik ukiulik, Sisimiuniit: - Arlaleriarluta peqataanikuuvugut. Kalaallit nipilersortut tamaani nuannernerpaasarput, kiisalu inunnik naapitaqaqattaarnerit. Maluginiarparput kalaalerpassuit nunatsinni ilassineq ajortut maani inussiarnertartut, tamanna quianarpoq Pipaluk Egede NielsenAne Johanne Buch, 72-nik ukiulik, Nuummeersoq, maanna Albertslundimi najugalik: - Ukiuni 51-nngulersuni Danmarkimi najugaqarpunga. Ukiut tamaasa maani peqataavunga, ilisarisimasat ikinngutillu naapillugit nuannertaqaaq. Nunarput maqaasisarakku qilanaartaqaanga peqataaqqinnissannut Pipaluk Egede NielsenAyla Løvskov, 13-nik ukiulik, Ilulissat: - Ukiut tamaasa mikininniilli ilaquttakkalu peqataasarpugut. Ilaqutariinnitsinnilu tamanna ukiut tamaasa ilitsoqqussarilernikuullutigu. Misilitassarpassuit misileqattaarlugit nuannarisaqaara, kiisalu ikinngutikka naapeqattaarlugit Pipaluk Egede NielsenEli Abelsen, 54-nik ukiulik, Tasiilaq: - Arlaleriarlunga peqataasarnikuuvunga. Ukioq ataaseq allortarlugu feeriaraangama maani peqataajuaannarpunga. Kalaalerpassuarnik naapitsilluni ukiorpassuarni takunikuunngisanik nuannernerpaasarpoq. Malunnartarpoq inuit nuannaarlutik tamaaniittartut, maannarnissannullu qilanaartuaannarpunga Pipaluk Egede NielsenFrederikka Jeremiassen, 28 år, meeqqani marluk Nadia aamma Malik ilagalugit. Alluitsup Paaneersuuvoq, maannali Odensemi najugaqarluni: - 2008-mi Danmarkimut nuuppunga, Tivolimilu kalaallit ulloqartinneqarneranni tallimariarlunga peqataanikuullunga. Nalunngisama naapinnissaat qilanaarinerpaasarpara, aappaagoqqinnissaanullu qilanaalereertuaannarlunga Pipaluk Egede NielsenJakob Kristensen, 54-nik ukiulik, Qaqortoq aamma Aqqalooraq Rasmussen, 21-nik ukiulik Qaqortoq: - Arlaleriarluta peqataasarnikuuvugut, nuannisartaqaagut kammalaatit ilisarisimasallu naapittaratsigit. Nipilersortut nuannertuaannarput, ukiut tamaasa pinissaanut meeqqatuulli qilanaartuaannarpugut Pipaluk Egede NielsenLise Andersen, 49-nik ukiulik Qaqortumeersoq, maannali Otterupimi najugalik: - Kalaallit Tivolimi ataatsimoortinneqaraangata peqataaniartarpunga, maannalu ukiut qulissaat peqataallunga. Nuannisartaqaagut, ilisarisimasat ikinngutillu naapeqattaarlugit nuannertaqimmat. Inuusuttuullunga håndboldertarnikuugama, maanilu timersoqatigisarnikuusakka unammisarnikuusallu naapikkaangakkit eqqaamasat nuannersut qaffakaasarput Pipaluk Egede NielsenRudolf Villadsen, 17-nik ukiulik, Qasigiannguit: - Danmarkimi feeriarnerit tamaasa Tivolimi kalaallit ulloqartinneqarnerini peqataajuaannarpunga. Aappaagornissaanut feeriarnissannut katersillunga aallartiaartarpunga. Kalaallit nipilersoraangata nuannernerpaasarpoq, ilaquttat ikinngutillu naapillugit. Sikutorujoorluni nuannisarujoorluni Pipaluk Egede Nielsen
Pipaluk Egede NielsenPipaluk Egede NielsenPipaluk Egede NielsenPipaluk Egede NielsenPipaluk Egede NielsenPipaluk Egede NielsenPipaluk Egede NielsenPipaluk Egede Nielsen
Inuit akissutaat ataani assini takuneqarsinnaapput
