Torrak
Inunnguaq Olen bronze-nappoq
Sanasutut soraarummeernermi sølvip tullia bronze angusani pitsaanerpaap tulleraa. Inunnguaq misilitsippoq kissarneqaraluaqaluni
Inunnguaq Olen, 26-nik ukiulik, maanna sanasunngorpoq soraarummeernermini "bronze"-mik nalilerneqarluni, tamannalu pivoq tallimanngormat Aalborgimi Tech College-mi. Svenditut soraarummeernermi "tulleriiaarineq" qulaanit ingerlasarpoq, sølvi qaffasinnersaalluni, taavalu bronze, taavalu nersualaarut allagartartaarnerlu.
Inunnguup atuaqatai 48-t tamarmik angusipput, Aalborgimi Tech College-mi ukiuni 25-ni aatsaat taama pitsaatigisumik gennemsnit-eqarlutik, allaallu qulit medalje-nallutik, arfineq-marluik bronze-nallutik pingasullu sølvinnallutik.
Nuallukkaluaqaluni naammassinnippoq
Inunnguaq AutoCadtegning-imi aamma Projektering-imi kusanartumik 12-mik angusivoq, soraarummeerummini 10-nalluni agguaqatigiissillugulu 11-mik angusaqarluni.
Allagaftartaavani allassimanngitsoq tassaavoq Inunnguaq ulluni pingasuni, akunnerni 37-ni soraarummeerutip ingerlanneqarnerani, nuallussimasorujussuusoq. Kissarneqarsimavoq sajullunilu, taamaattumik tamarmik ernumagisimavaat. Taamaakkaluartoq angusivoq ppiffissarlu naammat sallilikkat ikkussassani arfiniliinnaat amigaatigalugit.
Inunnguaq Nuummi ASK-imi 10. klassi angullugu atuarsimavoq, Nuummi GU-mi atuarsimavoq 3.g.-millu anisariaqarsimalluni inuttut atukkani pissutigalugit. Taava Nuummi sanasup naalagaani Svend Erik Holst-imi sanasutut ilinniagaqalerpoq, ilaquttanilu pissutsit pissutigalugit Inunnguaq immikkut akuerineqarluni Aalborgimi Tech Collehge-mi atualerpoq, Sisimiuni Sanaartornermik Ilinniarfimmiunngitsoq.
Ingeniørinngorniassaaq
Ilinniagaqarfik ukiunik sisamanik sivisussusilik aallartittarpoq sapaatit akunnerini 20-ni tunngaviusumik ingerlatsinermik, tallimariarluni sapaatit akunnerinik arfinilinnik sivisussusilinnik atuarfimmiinnermik soraarummeernissarlu sioqqullugu qaammatini marluk atuarunnaartarluni.
Inunnguaq Svend Erik Holstimi atorfinissimavoq, siunissamullu pilersaarutigaa kingusinnerusukkut issittumi ingeniøritut, illussanik titartaasartutut imaluunniit bygningskonstruktør-itut ilinniaqqinnissani. Soorlu Inunnguaq tallimanngormat persuarsiornerup kingorna nammineq oqartoq:
– Meeraallungali sinnattora piviusunngorpoq, sanasunngorpunga, maanna aggilerpunga Aalborgimi Jomfru Ane Gade!
Tamatuminngalu kissaapparput. Pilluarit Inunnguaq.
Inunnguaq Moses Olseniugaluup ernutaraa.