Puisi
Inuit Sila nutaamik takutitassiulersoq
Inuussutissarsiutigalugu piniartut sunngiffimmilu piniartut puisittaaminnik nassisinissaat Inuit Silamit kaammattuutigineqarpoq
Inuit Sila marsimi #sælfie iluatsilluartumik takutitassiaraa, inuppassuarnit soqutigineqarlunilu iliuuseqartitsimmat. Maannakkut nutaamik Facebookikkut takutitassianngorlugu kaammattuuteqalerpoq. Puisimik pisaqarnerit pineqarput maannakkut.
Puisinniartarneq qanoq maannakkut inissisimanersoq nunanut allanut paasititsiniaasoqarnialerpoq.
- Issittumi najugaqanngitsut puisinniartarneq kukkusumik isigaat. Soorlu Googlekkut 'seal hunt'-imik ujarleraanni assigiinngitsunik nassaassaqartartoq eqqunngitsunik. Tamanna ataqatigiinnikkut eqqortuunnginneranik takutitsisoqarsinnaavoq puisittaanik assiliinikkut, Inuit Sila kaammattuuteqarpoq. Taamaattumik inuit puisittaatik assileriarlugit Facebookimut assit ikkuttarnissaat kaammattuutigaat.
- Assimik ikkussinermi kalaallinut puisinniartartunut illersuinertut takuneqassaaq, piviusorlu nunarsuarmioqatitsinnut takutinneqassalluni. Assinik ikkussanik aamma unammisitsisoqassaaq akissarsititsisoqarlunilu pissanganartunik, Inuit Sila nalunaarpoq.
Unammisitsineq juunip 16-anit aallartissaaq.
Inuit Sila Facebookikkut ugguuna malinnaaffigineqarsinnaavoq