SAR-mik suliaqarnerit
Inuit qulit pinngortitami ajunaarput
Isserujussuartarnera, silarluttarnera, kassut ilulissallu iseqqasut ukiut tamaasa ajunaarnerpassuarnik pilersitsisarput. Ukiuni kingullerni 91-eriarluni ujaasinermi annassiniarnermilu upalungaarsimasut sulitinneqarsimapput
2017-imi maannamut sakkortoqisumik eqqaasinneqartarsimavugut issittumi pinngortitaq qanoq peqqarniitsigisinnaanersoq sequmiisumik tassaarnersuaqarluni – kiisalu sikunut apornikkut ilungersunartumik umiusoqartarluni.
Agguaqatigiissinnerat sinnerlugit
Siorna aamma Kalaallit Nunaata imartaa pinngortitarlu inuit inuunerannik naleqarsimavoq.
AG aviisi allappoq.
2016-ini inuit qulingiluat pinngortitami ajunaarsimasut Kalaallit Nunaanni imaatigut timmisartukkullu annaassiniartartunut Skibsfarten og Luftfartens Redningsrådip ukiumoortunik nalunaarusiaani takuneqarsinnaavoq, taannalu Danmarkimi illersornissamut ministerip Folketingimi illersornissamut ataatsimiititaliamut saqqummiuppaa.
Ukioq manna ujaasinermi annaassiniarnermilu pisut qimerloorneranni aamma inuk ujaarineqartoq taaneqarpoq taannalu ajunaarsimasutut nalilerneqarpoq. Taamaalillutik ajunaartut quliupput.
Toqusut amerlassusaat ikannerusut
- Ukiuni kingullerni tallimani inuit ajunaartut agguaqatigiissillugu arfiniuliusarput, taamaalilluni 2016-imi ajunaarsimasut immikkut isigalugit agguaqatigiissillugu ajunaartartunit amerlanerupput, naliliisoqarpoq.
Allaaserisaq AG aviisimi tamakkerlugu atuaruk, taanna uani pisiarisinnaavat: