GM kingorna
Inuit pinnguaataannik Dene Gamesimilu piukkunnartorpassuit
Inuit pinnguaataannik Dene Gamesimillu unammisartuni pikkorissorpassuaqartoq nunanut allanut sungiusaasup oqaatigaa.
Sapaatip akunnerata siuliani Ilulissani Arctic Sport Greenland nuna tamakkerlugu unammersuartitsivoq. Unammersuarnermi 130-it peqataapput.
Unammersuarnerit naammassimmata Inuit pinnguaataannik nunanut allanut sungiusaasoq, Kim Rosing, Dene Gamesimilu nunanut allanut sungiusaasoq, Niels Benjaminsen, piukkunnaatilinnik toqqaapput.
Piukkunnaatilippassuit
Inuit pinnguaataannik nunanut allanut sungiusaasup, Kim Rosingip, piukkunnaatilippassuit tupigusuutigai.
- Peqatigiiffiit arlallit siuariaateqarluarsimapput. Maluginiagassat ilagivaat peqatigiiffiit timersortarfeqanngikkaluarlutik pissittaarnerni unammissutini siuariaateqarsimagamik tamatumalu aamma kingunerivaa unammisartunut piukkussanut ilannguttoqarluni, Kim Rosing allappoq.
Timersuutillu ineriartorluarnera, nuannaarutigivaa.
- Peqataasartut pitsaanerit massakkut unammilerteqalerput, tamannalu pitsaasuuvoq. Piukkunnaatillit aatsaat taama amerlatigisut, erseqqissaatigaa.
Indianerit timersuutinik pinnguaataanni Dene Gamesimi nunanut allanut sungiusaasunngoqqammertup, Niels Benjaminsenip, timersuutip ineriartorluarnera aamma nuannaarutigaa.
- Unammisartut akornanni toqqaaniarneq ajornakusoorsimavoq, pikkorissorpassuimmi unammeqataasimapput. Timersuutip taama ineriartorluarnera ingerlalluaannassasoq kissaatigalugu, oqaatigaa.
Inuit Gamesimi toqqarneqartut:
Arnat inuussutut:
- Britta Tobiassen Qaarsut
- Katja Nielsen Qaarsut
- Najannguaq Grønvold Uummannaq
- Mina Kristiansen Uummannaq
Arnat inersimasut:
- Heidi Jørgensen Ilulissat
- Bodil Mikaelsen Qaqortoq
- Bibi Mikaelsen Qaqortoq
- Linda L Brandt Ilulissat
Angutit inuusuttut:
- Andreas Johansen Nuuk
- Flemming Nielsen Uummannaq
- Julius Albrechtsen Nuuk
- Aqqa Hans Nielsen Qaarsut
Angutit inersimasut:
- Bent Jakobsen Nuuk
- Tonny Holm Fisker Nuuk
- Aron Berthelsen Nuuk
- Steffen Knulst Nuuk
- Pilo Rasmussen Ilulissat
- Minik Rasmussen Ilulissat
Aappaagu Arctic Winter Games-mut peqataasinnaasut katillugit 16-upput, peqataatinneqartussallu novembarimi sungiusaasumit toqqarneqassapput.
Dene Gamesimi toqqarneqartut:
Arnat inuusuttut:
- Andrea Kleist Korneliussen Qaarsut
- Katja Nielsen Qaarsut
- Kaya Nielsen Qaarsut
- Tupaarnaq Markussen Qaarsut
- Mina Kristiansen Uummannaq
- Holga Dina Thorning Uummannaq
Angutit inuusuttut:
- Aqqa Hans Nielsen Qaarsut
- Qasiaq Kruse Qaarsut
- Julius Albrechtsen Nuuk
- Niels Arkaluk Heilmann Nuuk
- Juaansinnguaq Mathiassen Uummannaq
- Aningaaq Heilmann Kleist Qaqortoq
Angutit inersimasut:
- Alfred Lindenhann Ilulissat
- Kristiaannguaq Lange Ilulissat
- Jens Jørgen Lange Ilulissat
- Edvard Poulsen Ilulissat
- Julius Amossen Qaarsut
- Edvard Kruse Qaarsut
- Minik Møller Platou Sisimiut
- Suulut Geisler Århus DK
Nunanut allanut unammisartunut sungiusaasup AWG-imut peqataasussat novembarip ingerlanerani toqqassaaq.
Landstræneren udpeger 16 kommende AWG-deltagere også i november.