Siorarsiorfik
Inuit Nuummut tikilluaqquneqartariaqarput
Inissaaleqinermik annertuumik ajornartorsiuteqarpugut, taamaalilluni inuit Nuummut tikilluaqqunissaat ajornakusoorlumi. Taamaattoqarsinnaanngilaq, borgmesteri Asii Chemnitz Narup ataasinngormat eqqartuussissuserisuni Hortenimi Siorarsiorfik mittarfliornissallu pillugit aningaasaliisinnaasut soqutigisaqartullu qaaqquneqarlutik ataatsimeersuartoqarmat oqarpoq.Hellerupimi Hortenip qullersaqarfiani illorsuarmi quleriit qullersaanni inissat ulikkaavissimapput. Inuit 100-nit sinneqartut ataasinngormat ullaap tungaani Hortenip Nuna Advokatillu ataatsimeersuartitsinerannut takkussimapput tassani Kalaallit Nunaanni attaveqarnikkut suliniutit marluk angisuut sammineqarlutik, Nuummi Ilulissanilu mittarfiit tallinissaat, Qaqortumi nittafiliornissaq Siorarsiorfimmilu illoqarfiup piorsarnissaanik suliniut.Inuit 50-init amerlanerulaartut Kalaallit Nunaanniit Danmarkiliarput ilaatigut Inatsisartut sanaartornermut aningaasaqarnermullu ataatsimiititaliaanni ilaasortat. Aamma Kommuneqarfik Sermersuumit aallartitat arlaqarput Qaasuitsullu Kommuniani aamma peqataasoqarluni. Sinneri tassaapput aningaasaliisinnaasut soqutiginnittullu assersuutigalugu Siemens, Nykredit, PricewaterhouseCoopers, Gorrissen Federspiel, Nextpartners, Pareto Securities allallu.Asii Chemnitz Narup aallarniinermini oqarpoq taqisimajunnaarniarluni illoqarfiit pingaarnersaata kommunianiinnini peqqutigiinnarlugu. Nuup piorsarnissaanut tulluussimaarnissamullu piffissanngorpoq.
Hellerupimi Hortenip qullersaqarfiani illorsuarmi quleriit qullersaanni inissat ulikkaavissimapput.
Inuit 100-nit sinneqartut ataasinngormat ullaap tungaani Hortenip Nuna Advokatillu ataatsimeersuartitsinerannut takkussimapput tassani Kalaallit Nunaanni attaveqarnikkut suliniutit marluk angisuut sammineqarlutik, Nuummi Ilulissanilu mittarfiit tallinissaat, Qaqortumi nittafiliornissaq Siorarsiorfimmilu illoqarfiup piorsarnissaanik suliniut.
Sermitsiaq taama allappoq.
Inuit 50-init amerlanerulaartut Kalaallit Nunaanniit Danmarkiliarput ilaatigut Inatsisartut sanaartornermut aningaasaqarnermullu ataatsimiititaliaanni ilaasortat. Aamma Kommuneqarfik Sermersuumit aallartitat arlaqarput Qaasuitsullu Kommuniani aamma peqataasoqarluni.
Ineriartornissamut piffissanngortoq
Sinneri tassaapput aningaasaliisinnaasut soqutiginnittullu assersuutigalugu Siemens, Nykredit, PricewaterhouseCoopers, Gorrissen Federspiel, Nextpartners, Pareto Securities allallu.
Asii Chemnitz Narup aallarniinermini oqarpoq taqisimajunnaarniarluni illoqarfiit pingaarnersaata kommunianiinnini peqqutigiinnarlugu. Nuup piorsarnissaanut tulluussimaarnissamullu piffissanngorpoq.
- Inuit illoqarfinnut anginernut kajungernerat nunarsuarmi atugaanerujartorpoq. Aamma Kalaallit Nunaanni. Inuit Nuummi najugaqarusuttut tikilluaqqussavagut. Maannakkulli inissaaleqinermik ajornartorsiuteqarpugut taamaaliornissamut ajornarnerulersitsisumik, borgmesteri oqarpoq.
- Inuit tikilluaqqusavut aamma inissaqartariaqarput. Ilaqutariittut ineriartornissamut pitsaasunik atugassaqartariaqarpoq. Tamatuma saniatigut inissiarpassuit, atuarfippassuit meeqqeriviillu aserfallassimaqaat. Inissianik amigaateqarneq inissiallu aserfallassimaqisut ataatsimut ilaqutariippassuarni isumaginninnikkut ajornartorsiutinik pilersitsipput, taamaattumik inissialiornissamut tunngavissaalluarlutik. Aamma pisariaqarteqaarput meeqqat atuarfiani 10. klassereerlutik naammassisut pitsaasunik angusaqartarnissaat taamaalillutik ilinniaqqissinnaallutik.
- Atuagarsornikkut ingerlalluartariaqarput, atuarfimmilu atugarissaassallutik. Nalunngilarpullu qallikkut atugassat pitsaasut ilinniarnermut iluaqutaasartut. Suliniummi tamarmi ilaqutariit pitsaasunik atugaqarnissaat pineqarpoq ataatsimoornerlu nukittorsarneqarluni, Asii Chemnitz Narup oqarpoq, aalajangiusimavaalu Namminersorlutik Oqartussanit pitsaasumik oqaloqatigiittoqartariaqartoq naak Naalakkersuisut siulittaasuata Kim Kielsenip suliniut ukiup aallartinnerani saqqummiunneqarmat isornartorsioraluaraa.
- Oqaloqatigiinneq upperaara. Siorarsiorfik suli aalajangiusimavara, uangaannaanngitsoq kommunalbestyrelsemili ilaasortaqatima 19-it aamma suliniut tapersersorpaat, ilaatigut taama oqarpoq.
Allaaserisaq tamaat Sermitsiami atuaruk, taanna ullumi tallimanngornermi saqqummerpoq. Aviisi uani aamma pisiarinissaanut periarfissaqarputit: