silaannaap allanngornera
Inuit FN tinnersarniarpaat
Nunat inoqqaavi pillugit nunat tamalaat 2014-mi ataatsimeersuassapput. Silaannaap allanngornerat naggueqatigiinnut inunnut sunniutai ICCp saqqummiunniarpai
Inuit issittormiut siunnersuisoqatigiiffiat ICC Alaskami ataatsimiinnermini ataatsimeersuarnissanik marlunnik eqqartuivoq. Silaannaap kissannerata sunniutai ICCp saqqummiunniarpai. ICCp aamma pissangalluni utaqqivaa issittumi siunnersuisooqatigiit Arktisk Rådip Canadamiunit siulersorneqarluni ministerinik ataatsimiisitserngaarnissaa.
ICCp qullersai Alaskami Kotzebuemi ataatsimiipput aggustip 13-aniit 15-ata tungaanut. Tassani ilaatigut oqaluuserineqarpoq nunat inoqqaavi pillugit FNip 2014-mi ataatsimeersuartitsinissaa.
- Tassani issittormiut atugaasa immikkut sammisariaqarnerat pingaartumik klimap allanngoriartornerata kingunerisaanik atugarilikkavut saqqummiutissavavut, ICC nalunaarpoq.
Issittumi siunnersuisooqatigiinni 2015ip tungaanut Canadap siulittaasuunissaa aamma ICC oqaluuseraa, tassami siunnersuisooqatigiinni Canadami peqqinnissamut ministeri Leona Aglukkaq naggueqatigiinnit inunnit kingoqqisuusoq siulittaasuummat.
- ICC-mit qilanaarineqarpoq oqaluttuarisaanermi aaatsaat ministerit ataatsimiittarneranni siulittaasuussammat naggueqaterput Canadameersoq, ICC nalunaarpoq.