Innuttaasut
Inuit Europap Nordamerakallu avataani innuttaassut Nunatsinni najugaqartut amerlipput
Europap Amerikkallu avannaata avataani innuttaasut Kalaallit Nunaanni najugaqartut marloriaammik amerleriaateqarput
- Ukiuni 2008-miit 2013-mut nunani allanit innuttaassusillit annertuumik nunasinerisigut inuit Europap Nordamerakallu avataani innuttaassuunerusut amerlipput.
Nunatsinni innuttaasut qanoq amerlatigineranik nalunaaruteqaqqammersoq Naatsorsueqqissaartarfik ilisimatitsivoq.
Maanna nunanit allani innuttaassusillit 974-it nunami maani najugaqarput.
Europami Amerikallu avannaani innuttaassusillit 580-t Nunatsinni najugaqarput nunanilu assigiinngitsuneersut 394-t najugaqarlutik.
2009-mut sanilliutissagaanni tassani nunani allani innuttaassusillit 676-t Nunatsinni najugaqarput, Europamit Amerikallu avannaamiut 492-t najugaqarlutik kiisalu nunani assigiinngitsuneersut inuit 184-t Kalaallit Nunaanni najugaqarlutik. Annertunerusumik uani atuakkit: 'innuttaasut 1977-2015 - piffissaq, najugaqarfiit, utoqqaassuseq, suiaassuseq, inunngorfik' tassani nunanit allaneersut 184-t suminngaanneernerat takuneqarsinnaavoq.
Jannuaarip aallaqqaataani 2015.mi inuit 55.984-t Kalaallit Nunaanni najugaqarput. 2014-p ingerlanerani innuttaasut 298-nik ikileriarput 1997-miillu maanna siullermeersumik innuttaasut amerlassusaat 56.000-it inulerpaat.
Kisitsisit assip ataaniittut takukkit