inu:it Danmarkimi siuariartortoq

Nunatsinni namminersorluni suliffeqarfiit annersaasa ilaat inu:it ukioq kingulleq novembarimi Danmarkimi immikkoortortarfeqalerpoq. Qaammatit amerlanngitsut ingerlareersut sullitat amerliartorput, sinneqartoornerit amerliartorput sulisullu pitsanngoriartorlutik.

Aallaqqaammut suliffeqarfiit assigiinngitsut sullinneqalerput, soorlu Rose Poultry, VMC Pitzner A/S, Sjørring Maskinfabrik A/S. Suliffeqarfik A/S Cimbria ukiuni tallimani tulliuttuni aamma sullinneqartussanngorpoq.

- Suliffeqarfik nunatsinneersoq Danmarkimi ingerlalluarsinnaanera nuannaarutissaavoq. Sulisorissaarnerput pingaaruteqarpoq, maannakkullu Danmarkimi ilisimaneqariartuinnalerput, inu:it-mi pisortaq Jesper Tørnkvist oqarpoq.

- Bach Composite Industrys-imut sullissinerput pitsaavoq, nunanilu assigiinngitsuni sullissisuupput, taamaattumik piffissani assigiinngitsuni sullissisoqartarpoq, teknologilu nutaanerpaamik nutarsaasoqartuaannarluni. Tamakku suliat nalunartuupput, tamakkulu pikkoriffigaagut.

- 30-it missaannik allaffitsinni suliffeqarpugut. Suliffeqarfipput siuariartuinnavippoq, imaassinnaasorlu siunissami nunani assigiinngitsuni sullissilerumaartugut.