akiitsut
Inuit akiligassanik soqutigisaqanngillat
Aamma, akiitsut amerleqqipput! Naalakkersuisut naapertorlugit piitsut kisimik akiligassanik akiliinngitsoorneq ajorput, akuttunngitsumilli innuttaasut nalinginnaasut akiliinissaminnut akissaqartariaqaraluartut akiligassaminnik akiliinngitsoortarput
Akiligassanik kinguaattoorutit kil- lormiunnaq ingerlaqqilerput. Innuttaasut pisortanut akiitsuminnik kinguaattoorutinik 935 millioner koruuninik akiligassaqartut aningaasaqarnermut naalakkersuisoqarfimmit kisitsisit nutaat tamanut saqqummiunneqartut takutippaat.
AG taama allaaserinnippoq.
Taaamaalillutik akiligassat kinguaattoorutit 2016-imi januaarimiit 2017-imi januaarip tungaanut 60 millioner koruuninik amerlisimapput. Taakku 7 %-iupput aamma akiligassat aqunneqarsinnaaqqileraluaramik aamma 2015-imili ukiup ingerlanerani ikiliartulersut malugineqaraluarpoq.
Naalakkersuisut Aningaasat pillugit politikkikkut nalunaarusiami, taanna pingasunngornermi maajip ulluisa 17-anni Inatsisartuni saqqummiunneqarpoq, kisitsisit nikallornartut takutinneqarput:
- Naak 2016-imi aningaasatigut ilorraap tungaanut aallartoqaraluartoq suliassat akiligassanut kinguaattoorutit tunngasut akiligassartaallu amerlisimanerat ernumanarpoq. Ineqarnermut akiliutinut tunngasuni piartortut immikkut ernumanarput. Ineqarnermut tunngasuni ineqarnermut akiliutinik kinguaattoorutinik misissueqqissaarinermi kinguaattoorutit ilarpassui inunni ilaqutariinnilu ineqarnermut akiliutinik akiliisinnaassuseqarlutik isertitaqartuniikkaluarput, kisiannili pisariaqartinneqartumik akileerusussuseqartoqarsimanngitsoq nalunaarusiami allassimavoq.
Allaaserisaq tamaat AG-aviisi kingullermi saqqummertut atuaruk: