kulturi

Inuit aamma vikingit pillugit isiginnaagassiami pissanganartumi Coster-Waldau ilaasoq

Isiginnaagassiaq pissanganartuliaq 'Nalusuunerup Taarnerani' 1400-kkunni sorsunnerit aattaqaqisut pillugit oqaluttuarpoq. Tusaamasat arlallit peqataapput

Isiginnaagassiami oqaluttualiamilu nutaami 'Nalusuunerup Taarnerani' pissanganarsaarisoqarluarpoq

Teater Solarisip saamma Inuit Theater Companyp pissanganartuliap 'Nalusuunerup Taarnerani' misilittarneqarnera naggasileruttorpaat.

Scenemi peqataasut ilagaat Nukâka Coster Waldau, Mike Fencker aamma Ujarneq Fleischer.

Oqaluttuaq aattaqaqisoq
Teater Solaris, Sjællandimi Hvalsømiittumi nunaassuataasumi inissisimasoq naapertorlugu, isiginnaartitsinermik annertuumik, misigissutsinik aamma nipililersuutinik annertuunik isiginnaagassiami nutaami isiginnaartumik misigisaqassapput.

- Pisoq ukioq 1400 missaani pivoq, tassani Skandinaviamiut vikingit Kalaallit Nunaannit peerupput, isiginnaartitsinermut pisortaq, Sananda Solaris, Sermitsiaq.AG-mut oqaluttuarpoq.

Nuna qimakkaat
- Taakku nunassarsinerat taamaatippoq, ukiullu 400-t qaangiummata aatsaat Skandinaviamiut nunassarseqqittalerput. Inuit naammatsissimagamik Skandinaviamiut vikingit nakuuserlutik qimaatissimavaat.

Nalusuunerup Taarneranik suliatinnittut oqaluttuat ingerlateqqitallu isumassarsiorfigaat, tassani saassussinerit aaqqissuussat aamma naakkittaatsumik nungutitsinerit unikkaarneqarput.

Isiginnaagassiaq pikkunartoq
- Oqaluttuat piviusuusimapput, tassami kalaallisut sallusoqarsinnaanngilaq, ilitsersuisoq oqarpoq, oqaatigaalu oqaluttuat tulluusimaarnermut tunngasuunngitsut, illuanilli nakuusertariaqarsimanermut kannguttarnerusoq.

Solarisip isiginnaagassiaq 'inuit tarneranik pingaartutut pikkunartumik isiginnaagassiaasoq' oqaatigaa.

Tusaamasartaqarluartoq
Isiginnaagassiami isiginnaartitsisartut silarsuaanni immaqa maanna tusaamaneqarnerpaat ilaat, tassa Nukâka Coster Waldau, Mike Fencker aamm Ujarneq Fleischer peqataapput.

Taakkua tusamasaareeraluaqisut, isiginnaagassiap nipilersornertaa Ole Kristiansenimit allataavoq, oqaluttualiartaalu taalliorpalaartumik Villads Villadsenimit 1996-imi allataalluni.

Erinarsortartoq Karina Mølleri aamma peqataassaaq.

Kalaallit Nunaannukassasut
Isiginnaagassiaq isiginnaartitsinermik pisortamit Sananda Solarisimit pilersinneqarlunilu ilitsersuusiugaavoq, aamma eqqumiitsuliornikkut Simon Mooqqu Løvstrøm aqutsisuuvoq.

Marsimi Sonnerupgaard Godsimi takuteqqaarneqassaaq, kingornalu isiginnaagassiaq Kalaallit Nunaanni sapaatip-akunnerini pingasuni angalaarunneqassaaq.

Atuaruk: Elin Nilsson Hans Lyngep legatianik tunineqartoq

Powered by Labrador CMS