Sunday, July 16, 2017 - 08:05

Inuit aalakoortut toqqorterneqassapput

Assi.: Leiff Josefsen
Illoqarfimmi aalakkuttartut peersinniarlugit Agathe Fontain imigassaq pillugu inatsisissatut siunnersuummik saqqummiussaqarniartoq

1987-mi Kalaallit Nunaanni imigassamik atuineq aatsaat taama annertutigaaq, inuit 14-leereersimasut tamarmik ukiumut 22,2 literit imertarpaat, kisianni ukuini tulliuttuni 30-ni atuineq affaa sinnerlugu annikillisimavoq. Ullumikkut kalaallit innuttaasut ukiumut agguaqatigiissiilugu imigassamik 8,7 literiik imertarput, aamma Danmarkimi innuttaasut imertagaannit 9,34 literinit annikinneruvoq – tamanna tuppallersaataassappat...

2016-imili imigassaq Kaalallit Nunaannut eqqunneqartartoq annertusiallalaarpoq, ilanngutinngitsuuinerlu tamanna peqqissutsumik Naalakkersuisup Agathe Fontainip Inatsisartut ukiaanerani ataatsimiinneranni imigassaq pillugu inatsisissatut siunnersuummik saqqummiussinissaanut uppernarsaataavoq.

– Imigassaq pillugu inatsiseqarnissatsinni meeqqat inuusuttuaqqalu angerlarsimaffinni atornerluiffiusuni alliartornissaannut imaluunniit illoqarfimmi kikkunnilluunnit tikinneqarsinnaasuni inunnik aalakoortunik takunnittarnissaannut akornutaasasoq siunertaavoq, Agathe Fontain, tunngavilersuivoq

Imigassap illoqarfimmi takussaannginnerunissaa, taamaalilluni imigassaq illoqarfimmi takussaannginnerulerni, ilaatigut imigassaq niuertarfinni assiaqusersorneqartalissaaq, taamaalillutik pisiniartartunit allanit takuneqarsinnaajunnaarlugit aamma immiaaqqanik, viinninik imigassamillu piseqqusaarineq inerteqqutaalissaaq, assersuutigalugu Nuuk Ugeavisikkut.

Tusarniaassummulli akissuteqaatini arlalinni suliffeqarfiit niuertarfeqarfiillu nutaamik sukaterinerit 1987-imiilli ilorraap tungaanut piartuaarnerit unitsissagaat ernumassutigaat.

GE-mit ukiuni qulikkuutaani kingullerni ineriartorneq, tamatumani imigassamik tuniniaanerit sassaalliisarnerillu namminersortunngorsarneqarneranni imigassamik atuinerit annikillisimapput.

– Qaammarsaaneq isummertarnernillu suliarinninnerit inerteqquteqarnermit sunniuteqarnerujussuusut nalilerparput, Karsten Lyberth-Klausen, oqarpoq.

Sermitsiami aviisimi allaaserisaq tamaat atuaruk

Seneste nyheder / Nutaarsiassat kingulliit