Narsaq
Inuili-mit inuussutissalerisut nutaat
Narsami inuussutissalerinermik ilinniarfimmi Inuili-mi inuussutissalerinermik ikiortit nutaat qulingiluat soraarummeernerminni angusipput
Narsami Inuili-mi inuussutissalerisut inuussutissalerisut nutaat qulingiluat soraarummeernerminni angusipput. Sisamanngormallu soraarummeernermut allagartartaartinneqarput.
Soraarummernerminnili angusisimagaluarlutik ilaasa praktikkernertik naammassivissimanngilaat. Taamaattumik kingusinnerusukkut praktikkerfimminni allagartartaartinneqassapput.
Ilinniagaqarfik nutaaq
Inuussutissalerinermik ikiortitut ilinniagaqarfik ilinniagaqarfiuvoq piginnaalersitsisoq nutaapajaaq ukiut aappaata affaanik sivisussusilik, agguataarsimavoq pingasoriarluni Inuili-mi atuartinneqartarnermik kiisalu suliffeqarfiup igaffiani imaluunniit kantiinami praktikkernermik.
Inuussutissalerisut
Inuussutissalerinermik ikiortitut ilinniagaqarfimmi ilaatigut sammineqarput tunngaviusumik inuussutissalerinermik ilinniarneq, nerisassanik ilinniarneq, igaffimmi eqqiluisaarneq, peqqissartut nerisaannik ilinniarneq nerisassiornerlu. Inuussutissalerinermillu ikiortit tamatuma kingorna suliffeqarfiit igaffissuini kantiinanilu igaffimmi ikiortitut ilinniarsimasutut sulilersinnaapput. Aamma sammisaqarfimminni taaneqartarput ´nerisassiornermi teknikeritut´.
Nanginneqarsinnaasoq
Ilinniagaqarfik kingorna annertusineqarsinnaavoq saniatigut ukiut aappaata affaanik atuarnikkut, taamaasilluni ilinniartoq inuussutissalerinermi assistentinngussalluni, soraarummeertullu nutaat tassunga ingerlaqqinnissartik toqqarsimavaat.
Taakkua tassaapput Anna Birthe Knudsen, Magdaline Kruse, Gaba Uitsatikitseq, Dorthe Petersen, Doris Gundel aamma Evnike Petersen.
Karoline Nakinge flidspræmiannatsinneqarpoq atuakkamik nerisassiornermut najoqqutassamik.