10-års jubilæum
Inui 20-niit 2.000-nut amerleriarput
Nuup ilaa Qinngorput ukiunik quliliivoq
Nuup ilaani Qinngutsinni najugallit siulliit nunasisutut taaneqarsinnaapput.
Illui nutaajupput. Illoqarfiulli ilaata sorpassuit amigaatigai: Aqqusernit asfalteqanngillat, bus-inik attaveqanngilaq, atuarfeqanngilaq pisiniarfeqaranilu.
Akerlianik avataa inissalerujussuuvoq.
Kingorna alliartupiloorpoq. Illoqarfiup ilaata 2003-mi aasakkut atulerneraniilli inui 19-iniit 2.056-inut amerleriarsimapput, Kalaallit Nunaanni Naatrorsueqqissaartarfimmit kisitsisit kingulliit malillugit.
Rækkehuserpassuit inissiallu quleriiaarpassuit isikkivimmut sunniuteqarsimapput, ukiullu qulit ingerlaneranni bus-imik attaveqalernerit, Spar-imik pisiniarfeqalernera aammalu Atuarfik Hans Lynge pissutigalugit Qinngorput illoqarfiup immikkoortorillualersimavaa.
Nuummi angisuunik misisunillu pisoqarsimaneranik oqaluttuaq tamaat atuaruk. Nuuk Ugeavis akeqanngitsumik aasinnaavat uani: