internetti
'Internetsikkut kingutileriffimmut inniminniisinnaasariaqarpugut'
Teknikkikkut atortorissaarutit ullumikkornit atorluarnerusinnaavagut, Justus Hansen (D) isumaqarpoq
Amerlanerpaat internettimik atuinissartik sungiusimavaat aamma qarasaasiaq, tabletit smartphonelluunniit atorlugit sorpassuarnik aaqqiinissartik pissusissamisuuginnartutut isigaat.
Tamanna tunngavigalugu Demokraatit Inatsisartuni ilaasortaatitaat, Justus Hansen, Naalakkersuisunut apeqquteqaateqarpoq, suna pissutigalugu qarasaasiakkut kingutilerisumut piffissamik suli inniminniisoqarsinnaannginneranut.
Ullumikkut nal. 7.15 nammineerluni suli kingutileriffimmukartoqartariaqartarpoq, utaqqillugulu sulisup normunik utaqqisarfimmi nusutassanik ilisinissaa kingornalu utaqqeqqillugu tullinngunnissaq, taanna allappoq.
Taamaammat taanna isumaqarpoq, innuttaasut qarasaasiakkut kingutilerisumut inniminniinissaq periarfissaalertariaqartoq.
- Suna pissutaava qarasaasiakkut kingutilerisumut piffissamik suli inniminniisoqarsinnaannginneranut - oqarasuaatikkut aamma inniminniisarsinnaaneq periarfissaatut ilaatillugu - aamma Naalakkersuisut suliniutigerusunnerlugu tamatuma allanngortinnissaa?, taanna ilaatigut taama Naalakkersuisunut apeqquteqarpoq.