Innuttaasunik ataatsimiititsineq: Nipiliorneq, pujoralak aamma qaartitsinerit
Kalaallit Airports marlunngornikkut unnukkut ASN-imut nalunaarusiap aappassaanik tusarniaatitigineqarneranut atatillugu innuttaasunik ataatsimiititsimmat, apeqqarissaarusunneq annertuvoq.
Nuummi innuttaasut 40-t Nuummi mittarfimmik sanaartornissaq pillugu innuttaasunik ataatsimiititsinermut takkupput, taakkulu mittarfimmik snaartornerup sanaartorneqarluni kingornalu ingerlaneqaleruni, avatangiisinut sunniutissaannik saqqummiussiffigineqarput.
Assigiinngitsut
Nipiliorluni akornusersuinerit, kvælstoffinik mingutsitsinerit, takussaasumik mingutsitsineq, uumasunut aamma naasunut sunniutissat innuttaasut soqutiginnittut immaqa aamma qularuteqartut paasisaqarfigaat.
Qaqqat annertuut qaartiterneqassapput, tamatumalu qularnanngitsumik illoqarfik sunnissavaa.
Ingeniøri Hans Kristian Drejer Nirasimeersoq saqqummiisuullunilu innuttaasut apeqqutaannik akissuteqartuuvoq. Kalaallit Airportsip aqutsisui peqataapput, kisianni oqallinnermik malinnaaginnarput, apeqqutillu apeqqutigineqartut allattorpaat.
Nipiliorneq ernumassutigineqarpoq
Nipiliorluni akornusersuineq innuttaasut ingammik soqutigaat. Minnerunngitsumik mittarfimmut qanittumi najugaqartut.
Innuttaasoq ataaseq nipiliornermut pinngitsoortitsinermik, Norgemi atorneqarsimasumik ilisimasaqarpoq, tassani maskiinarujussuit qillerinermi nipiliornerannut illersuutinik atuisoqarsimavoq.
- Nipiliornaveeqqutit nipi 50 procentimik annikillisittarpaa, innuttaasoq nassuiaavoq.
Isumassarsiatsialak Nirasimi ingeniørimit oqaaseqartitsivoq:
- Tamanna isumaliutersuutigineqarsinnaavoq.
Apeqqutit arlallit
- Unnuami sinittoqarsinnaava?
- Aap, kisianni igalaat matoqqatinneqartariaqassapput.
- Unnuami qaartiterisoqartassava?
- Naagga. Piffissami 07.00-22.00 akornanni sapaatip-akunnerata ulluini tamani taamaallaat, Nirasimi ingeniøri akivoq.
- Akunnerup naanerani sivisunerusumik sinittoqartarpoq. Arfininngornikkut sapaatikkullu kingusinnerusukkut aallartittarnissaq isumaliutigineqartariaqaraluarpoq, innuttaasoq isornartorsiuisorujussuaq oqarpoq.
- Sanaartornermi pujoralaat løjpenik aseruinnginnissaat pinngitsoortinneqassava?
- Nipiliorluni akornusersuinerit pinngitsoorneqarsinnaanngillat.
Qinngutsinni kangerlummi immap naasui
Innuttaasup ataatsip Qinngutsinni kangerluup mingutsinneqarnissaa ernumassutigaa, akoorutissat aniasut upernaakkut kialaartumi sissap qanittuani immap naasuinik naatitsisinnaammata.
Ajornartorsiut tamanna immikkut nakkutigineqassaaq, Hans Kristian Drejer nassuiaavoq. Pisariaqassappat immikkut ittumik tamanna pinngitsoortinniarneqassaaq.
- Najukkaminnit nuuttoqassava?
- Naagga, tamanna pisariaqanngilaq.
- Tamatuma inissisimaffissaanik allamik aappaattut pilersaarummik peqarpa?
- Naagga. Pilersaarummik taamaattumik peqanngilaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...