Kommunini naligiissaarineq
Innuttaasunik ataatsimiititsineq: Kikkut tamarmik malugissavaat
Naligiissaarineq pillugu Asii iloqarfinni sisamani tamani ataatsikkut innuttaasunik ataatsimiititsiniarpoq
Borgmester Asii Chemnitz Narupip kommunimi innuttaasut tamangajaasa paasitinniarpai kommuni kommunini naligiissaarinermi kommuni Kujallermut Qaasuitsumullu 56 millioner koruuninik akiliissappat, tamassuma suna kingunerissaneraa. Taamaattumik innuttaasunik ataatsimiititsiniarpoq Nuummi, Paamiuni Tasiilamilu katersortarfinni, Ittoqqortoormiinilu Ejnar Mikkelsenip Alivarpiani. Ataatsimiinnerit ataatsikkut ingerlanneqassapput. Taamatut paasissutissiivoq Kommuneqarfik Sermersooq, tusagassiorfinnut nalunaarutikkut.
Ataatsimiinnerni innuttaasut paasitinneqassapput naligiissaarinerup aaqqissuuteqqinneranik sulinermik, aammalu aningaasaqarnermut nunamilu namminermi pissutsinut Naalakkersuisup Vittus Qujuakitsup siunnersuutaa kommunimutd qanoq kinguneqarsinnaanersoq.
– Aningaasaqarnikkut naligiissaarineq kommunimut imaannaanngitsuuvoq, taamaammat innutaasut suliamut peqataatinniartariaqarpavut. 56 millioner koruunit annaassagutsigit kikkunnut tamanut malunnaateqassaaq”, borgmester Asii Chemnitz Narup oqarpoq.
Taaneqareersutut innuttaasunik ataatsimiititsinerit illoqarfinni sisamani tamani ataasikkut ingerlanneqassapput, tassa aggustip 6-anni nalunaaqutaq 19.00.
Kommunip quppersakkami innuttaassunik ataatsimiigiaqqusissutaani oqaatsit marluk atorlugit naqinneqarsimasumi ersarissumik allassimavoq qanoq kinguneqassanersoq, kommuni kommuninut isorliunerusunut marlunnut 56 millioner koruuninik akiliuteqassagaluarpat.