Isumalioqatigiisitaq

Innuttaasunik ataatsimiisitsineq siulleq ornigarneqarpianngitsoq

Inatsisit tunngaviusussat pillugit isumalioqatigiissitat, nunatsinni inoqarfiit amerlanerpaartaannik inatsisinut tunngaviusussanut inuttaasut ilassutissaanik isumaannillu pissarsiaqarusulluni anguserusuttoq, innuttaasunik nunatsinni siullerpaamik ataatsimiisitsivoq Ilulissani ataasinngornermi. Naak innuttaasut ataatsimiisinneqarneranut takkuttut 16-iinnaangaluarlutik tiguartilluarsimallutik oqallipput.

Kun 16 borgere mødte op, da Forfatningskommissionen holdt sit første borgermøde mandag i denne uge

Inatsisit tunngaviusussat pillugit isumalioqatigiissitat, inatsimmut tunngaviusussamut siunnersuuteqartussaasoq, nunatsinni innuttaasunik ataatsimiisitsinini siullerpaaq Ilulissani ataasinngornermi ingerlappaa.

Sermitsiaq allappoq.

- Ilulissat oqaluttuarisaanermut ilannguppoq.

Taama aallarniuteqarluni oqaaseqarpoq Inatsisit tunngaviusussat pillugit isumalioqatigiissitat siulittaasuat, Siumut sinnerlugu Inatsisartunut ilaasortaq, Vivian Motzfeldt, iluliarminut 16-inut Perorsaanermik Ilinniarfiup ilassutaanut nutaamut Inatsisit tunngaviusussat pillugit isumalioqatigiissitat innuttaasunik ataatsimiisitsineranut najuukkiartorlutik ornigussimasunut.

Inatsisit tunngaviusussat pillugit isumalioqatigiissitat, Inatsisartuni partiini tamanit tunuliaqutaasunit maanna arfinilinnik ilaasortaqartoq, tunngaviusumik inatsisissaq pillugu siunnersuut immikkoortunut marlunnut piffissami marlunni assigiinngitsunut tunngaviusussamik siunnersuusiussaaq; ataaseq namminersornerup nalaani atuutilersinnaasoq aamma ataaseq Kalaallit Nunaannut namminersortumut tunngasoq.

Sulineq kalaallit oqaasii atorlugit ingerlanneqassaaq
Vivian Motzfeldtip innutttaasunik ataatsimiisitsinermini nassuiaatigaa tunngaviusumik inatsisissamut suliaqarneq piareersaasiornerlu kalaallisut oqaatsit atorlugit ingerlanneqassasoq:

- Pissaaneq oqaatsitsinniippoq. Oqaatsitta pissaanermik tunniussisinnaanerat atorlugu sulineq ingerlatissavarput, Vivian Motzfeldt inuttaasunit ataatsimiisitsinermut najuuttunit ersaattaanneqarluartoq oqarpoq.

Allaaserineqartoq tamakkiisumik aviisimi Sermitsiami atuarneqarsinnaavoq. Aviisi uani pisiariuk:

Powered by Labrador CMS