Innarluutillit illersuisuat: – Inunnut isiginnittaaserput ajorluinnarpoq
Christina Johnsen innarluutillit illersuisuattut innarluutilinnit taakkulu qanigisaannit saaffigineqartaqaaq, taakkulu oqaluttuarisarpaat innarluutillit ajattugaasartut, tassa inunnit nalinginnaasunit, aammattaarli oqartussanit
I nnarluutillit illersuisoqarfiat Tilioq sapaatip-akunneri tamaasa tallimariarluni-arfinileriarluni saaffigineqartarpoq, saaffiginnissutigineqartullu 80 procentii kommunimit sullinneqarnermut tunngasuusarlutik. Aammali ilaqarlutik inatsisinut tunngasunik ikiorserneqarusuttut oqaloqateqarnissaminnik pisariaqartitsisut.
Aviisi Sermitsiaq taama allaaserisaqarpoq.
– Ilaannikkut misigisimasarpugut kommunit suliassaraluinik sullissilluta. Tassami kommunit suliassamik eqqortumik sullissisimagaluarpata uatsinnut saaffiginnissimanavianngikkaluarmata, Christina Johnsen oqarpoq.
Amerlasuut saaffissaaleqisarput
Inunnit aliasuuteqartunit akuttunngitsumik aamma saaffigineqartarput.
– Naammagittaalliortoqarneq ajorpoq, amerlaqisulli saaffissaaleqisarput. Tatigisassaanngitsunngortinneqartutut misigisimasunik aamma ilaqartarput. Soorlu aamma kaassuartakkamik issiavilimmit saaffigineqarpugut, taanna kommunimut saaffiginnissimagaluarpoq, tassa issiavini kaassuartagaq aserorsimammat arlaannukarsinnaanngitsumit arlaannukarsinnaanngitsumit. Taanna akineqaannarpoq aningaasanik agguaaginnarneq ajorlutik.
Inuit innarluutillit illersuisuannit apersuineq tamaat Sermitsiami atuaruk, taanna uani ataani linki aqqutigalugu isissutissarsiffigisinnaavat: