innarluuteqarneq
Innarluutilinnut angajoqqaanut innuttaasutut akissarsiaqartitsinissamut Olsvig isumaliuuteqartoq
Angajoqqaanut annertuumik innarluutilimmik meeraqartunut innuttaasutut akissarsiaqartitsitinissamik atuutsitsilernissaq isumaliutigineqarpoq.
Naalakkersuisup Sara Olsvigip paragraf 37 naapertorlugu Hans Aronsenip IA-meersup akissutaani tamanna atuarneqarsinnaavoq.
Isumaliuuteqarnerit aallartittut
- Inuit innarluutillit ikiorserneqartarnerat pillugu inatsisissatut siunnersuutinngortussami qanoq iliorluni inuit innarluutillit pitsaanerpaamik ikorfartorneqarsinfnaanerisa qulakkeerinniffigineqarsinnaanerat isummersorfigineqarumaarpoq, tassunga ilanngullugu inunnik annertuumik innarluutilinnik ikiorsiinermi innuttaasutut akissarsiaqartitsisinnaaneq isummersorfigineqarumaarluni, Sara Olsvig akissummini ilisimatitsivoq.
Annertuumik innarluutillit ikiorserneqartarnerat pillugu Namminersorlutik Oqartussat nalunaarutaat 2014-imeersumi qanigisaasut atorfeqartitatut akissarsiaqartissinnaanerat takuneqarsinnaanngitsoq, Sara OIsvig ilisimatitsivoq. Illuanilli nammineq angerlarsimaffimmi paarisaqarnermi aningaasarsiaqartitsisoqarsinnaavoq, kisianni immikkut ittumik piumasaqaatitaqarpoq.
Ullumikkut inatsisit
- Inuk annertuumik innarluutilik nammineq angerlarsimaffimmini najugaqarpat u/luinnarni paaqqutarineqarneranik isumaginnittoq aningaasarsiaqartinneqarsinnaavoq. Taamaattorli piumasarineqarpoq, pineqartup taamaaliornermigut nalinginnaasumik isertitaqarsinnaanini tamakkiisumik ilaannakortumilluunniit annaasimassagaa, Sara Olsvigip nalunaarummi oqaatigisaani ilaatigut taama allaqqasoqarpoq.