Innaarsuit: Ullut nalinginnaasut atorneqaqqilerput
Innuttaasut amerlanerusut maanna illuminnut angerlarsinnaanngorput
Innaarsunni ullut nalinginnaasut uteqqikkiartulerput.
Politiit piffik ulorianartorsiorfiusoq annikilleqqippaat. Innuttaasut amerlanerusut angerlarsinnaanngorput, tunisassiorfillu ammaqqippoq.
Ippasaq illunut sissap killinganit 10 meterisut illunut ungasissusilinniittunut killinga annikillisinneqarpoq – maannalu aamma annikillineqaqqippoq.
Piffik ulorianartorsiorfiusoq sissap killinganiit nunamut 5 meterit tikillugit qaffanneqarpoq, politiit tusagassiuutinut nalunaarummi allapput.
Iluliarsuup aserorluni malissuarmik pilersitsisinnaaneranut aarlerinaammik naliliinerit kingulliit tunngavigalugit piffimmik ulorinartorsiorfiusumik annikillisitseqqinnissaq aalajangiunneqarpoq.
Tassa imaappoq innuttaasut ilaat nalunaarfigineqareersut illuminnut utersinnaasut. Pilersuisoq, innaallagissiorfillu suli matoqqagallassapput, aammalu innuttaasut, sissamut qanippallaartumik najugallit, suli qimagussortinneqarallassapput. Aalisakkerivik ammaqqippoq isumannaallisaanermi killiussap avataaniimmat.