qinersineq
Innaallagiaq imerlu amigaataasut annikillisaataapput
Upernavik Seafoodip tunitsiviutimi ilaanni tunisassiorneq annertusarsinnaangilaa innaallagiaq imerlu amigaataammata. Pisortap Flemming Andersenip Inatsisartunut qineqqusaartut aalisarnermut tunitsiveqarnermullu ilisimasakippallaarnerarlugit sakkortuumik uparuarpai
Flemming Andersen, Upernavik Seafoodimi pisortaq, sakkortuumik isummernissaminut ersissuteqanngilaq.
Piffissami kingullermi Inatsisartunut qineqqusaartoqarnerani, qineqqusaartut amerlasuut, aalisarnerup Avannaani qanoq pitsaanerpaamik siuarsarneqarnissaanut tunngatillugu siunnersuuteqartarnerat, sakkortuumik uparuarpaa.
Taassuma aalisarnermut ilisimasaqanngilluin- narnerarpai. Flemming Andersen isumaqarpoq, qineqqusaartut amerlasuut aalisarnermut suliffeqarfiit siulersuisuini ilaasortaasuusaartutut pissusilersortut, ilutigitillugulu aalisarnermut ilisimasalittut siunnersuuteqartartut, naak taamaattoqanngilluinnaraluartoq, tamannalu kukkunerulluinnartutut isigaa.
Politikerit Kalaallit Nunaannut tamarmut sivisuumik atuuttussanik inuussutissarsiornermut aqqutissiuissapput, taakkulu nalorninartorsiorfiussanngillat. Aqqutissallu politikerinit sinaakkusersorneqareerpata, taava inuussutissarsiortut taakku malillugit sulissapput, taanna isumaqarpoq.
Allaaserineqartoq aviisi Tamanumi tamaat atuarneqarsinnaavoq. Qinersinissaq pillugu aviisimi allanik aamma atuagassaqarpoq. Aviisi ataani akeqanngitsumik aaneqarsinnaavoq: