anstalt

Inissiisarfinni qasilittumik seqqartaat sakkoruneqalertoq

Pineqaatissinneqarsimasunut inissiisarfinni nakkutilliisut aqukkuminaatsut naalatsissinnaajumallugit qasilitsumik seqqartaatinik atortulerneqassapput. Pilersaarulli isorineqarpoq

Pineqaatissinneqarsimasunut inissiisarfinni nakkutilliisut aqukkuminaatsut naalatsissinnaajumallugit qasilitsumik seqqartaatinik atortulerneqassapput. Pilersaarulli isorineqarpoq

Kalaallit Nunaanni eqqartuussiveqarneq 1950-ikkunni pilersinneqarami nunarsuarmi inuppalaarnerpaatut oqaatigineqarpoq.

Maannali takorluugaq kusanartoq qasilitsuminernik ilaneqarpoq. Taamaalillutimmi pineqaatissinneqarsimasunut inissiisarfinni nakkutilliisut pissaaneq atorlugu aqutsinissamut atortumik nutaamik qitequtiminniititaqartalernissaat pilersaarutaalerpoq.

Isorineqartoq
Qasilitsumik seqqartaat amugaangamikku pinerluuteqarsimasunik kamarujussuartunik, avatangiisiminnik aarlerinartorsiortitsisunik, qimaaniartunik, imminnut ajoquserniartunik imaluunniit oqaatigineqartunik malinnikkumanngissortunik soriarsinnaajunnaarsitsisinnaanngussapput.

Eqqartuussisarnermut inatsimmi allannguutissatut ilimasaarutigineqartoq tamanna ilaatigut Inuit Pisinnaatitaaffii pillugit Kalaallit Nunaanni Siunnersuisoqatigiinnit isornartorsiorneqarpoq:.

Ernummatigineqartoq
- Pissaanermik atuinissamut sakkutut sakkortoorujussuuvoq, Kalaallit Nunaanni pinerluuteqarsimasunik inissiisarfinnut tunngavinnut naapertuutinngitsoq, siunnersuisoqatigiit oqaaseqarput, tamatumalu saniatigut ingasattumik atuisoqalersinnaanera ernummatigalugu.

- Pinerluuteqarsimasunik inissiisarfinni sulisunit qasilitsumik seqqartaammik atuinerup immikkut sualulluinnartutut isigineqannginnissaa ernummatigaarput, siunnersuisoqatigiit erseqqissaapput.

Atuaruk: Isertitsivinnut aningaasartuutit amerlanerulernissaat ujartorneqartoq

Allaaserisiaq tamaat AG-mi sapaatip akunnerani saqqummertumi atuaruk. Aviisi uani aamma pisiarinissaanut periarfissaqarputit:

Powered by Labrador CMS