Skip to main content

Inissiamik neqerooruteqartoqartannginnera isornartorsiorneqarpoq

Nuummi utoqqaat illuini sulisussaaleqisoqarpoq. Atorfinititsinermi inimik neqerooruteqartoqartannginnera sulisussaaleqinermut pissutaasoq isornartorsiutigineqarpoq

Nuummi utoqqaat illuini ilinniarsimasunik amigaateqartoqarpoq, tamanna Isumaginninnermut Suliffeqarnermullu Ataatsimiititami januaarip 16-ani oqallisigineqartussami takuneqarsinnaavoq.

- Ilinniarsimasunik piukkunnartumik Nuummut amerliartortunik qinnuteqartoqartalernera
malunnarpoq (Utoqqaat Illuat, Ippiarsuk). Kisiannili tamatigut suliffimmut atasumik inissaqartitsineq
ajoratta unammillernarnerpaajusarpoq, Isumaginninnermut Suliffeqarnermullu Ingerlatsivimmi pisortaagallartoq Kista Lynge Høegh, allappoq.

Una pissutaavoq 
2017 tamangajaat suliffimmut atatillugu inissianik innersuussinissaq unitsinneqarnikuuvoq, taamaattumillu atorfiit initallit inuttassarsiuunneqarnikuunatik. Piukkunnartut Nuummut suliffinnut qinnuteqaateqartartut peqqinnissaqarfimmi suliffimmut atasumik initalinnoortuusarput.

Piukkunnartut Nuummut suliffinnut qinnuteqaateqartartut peqqinnissaqarfimmi suliffimmut atasumik initalinnoortuusartut ilisimatitsissutigaa.

- Utoqqaat angerlarsimaffiini utoqqaat nappaataat ajornartorsiutaallu imaannaannginnerulernikuugamik sulisut piukkunnarnerusut pisariaqartinneqalernikuupput,
taakkumi peqqinnissamut najoqqutassanut tunngasut ingerlateqqissinnaavaat paaqqutarinninnermilu pitsaassusissap ataavartuutinneqarnissaanut aallussisinnaanerullutik, Kista Lynge Høegh oqarpoq.

Internetsikkut sulisussarsiorneq
Pissutsit matuma taaneqartut eqqarsaatigalugit sulisussanillu piukkunnartunik atorfinitsitsinissaq anguniarlugu atorfinitsitseriaaseq nutaaq atorneqartoq ilisimatitsivoq. 

- Atorfiit inuttaqanngitsut pillugit internitsikkut attaveqatigiittarfiit tusagassiutillu aqqutigalugit aqutsisut
tungaaniik ilaatigut nittarsaanneqartarput. Piukkunnaatillit qinnuteqartut arlaqarput, suliassaqarfimmili atorfinitsitsinissaq nalorninartortaqarsinnaalluni sulisunik isumalluuteqarfiunermik, Isumaginninnermut Suliffeqarnermullu Ingerlatsivimmi pisortaagallartoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER