INI
Inimi pisortaaneq atorfimminit ingerlaannartumik soraarpoq
Jukku Mølgaard Inissiaatileqatigiiffik Inimit pisortaanertut soraarpoq. 'Isumaqatigiissuteqarnikkut' soraarsimasoq nalunaarutigineqarpoq
Ini nutaamik pisortaanermik pissarsiortussanngorpoq. Inissiaatileqatigiiffik tusagassiuutinut naatsumik nalunaaruteqarpoq Jukku Mølgaard pisortaanertut soraartoq. Tassungalu tunngatillugu 'illuatungeriit isumaqatigiissuteqarput'.
Aningaasaqarnermut pisortaq Brian Pedersen siulersuisunit pisortaanertut atorfeqarallassasoq aalajangerpaat.
Illuatungeriit annertunerusumik oqaaseqarsinnaanngitsut, Inip siulersuisuisa siulittaasuannit Jette Larsenimit nalunaarutigineqarpoq.
Atorfinitsinneqarpoq 2012-mi maajimi
Aningaasaqarnermut pisortaasimasoq Jukku Mølgaard Inissiaatileqatigiiffik Inimi pisortaanerugallartutut inissinneqarpoq marsimi, tamanna siulersuisunit aalajangerneqarpoq.
Sisimiuni Inimi siulersuisut ataatsimeereernerisa kingorna Jukku Mølgaard Inimi pisortaanertut atorfinitsinneqarpoq maajimi 2012-mi.