Kollegiani ineeqqat
Inigissaarneq inilunnerlu assigiimmik akillit
Nuuk Ugeaviisip aviisillu AG-p misissuineranni paasinarsivoq kollegiani ineeqqat assigiinngeqisut
KAF 700-t missaannik kollegiani inissaateqarpoq ineqarnermut akiliut assigiikkaluarluni attartorneqarsinnaasut pitsaanerpaaniit ajornerpaanut nikerarput.
23-nik ukiulik Najattaannguaq Andersen peqqissaasunut ikiortitut ilinniarnermik ingerlatsileruttortoq Kujalliit Kollegiami ineeqqami 8 kvadratmeterisut annertussusilimmi najugaqarpoq. Ineqartut arfinillit allat peqatigalugit igaffik inilu ataatsimoorussaraat. Allat qulaanni najugallit namminneq igaffeqarlutillu initalinni najugaqarput. Taamaattoq kollegiami najugallit tamarmik uffarfiit sisamat – taakkunannga marluk ajunngitsumik kuutitsisinnaallutik.
Kollegia iserfigalugu pisoqarsunnippoq ipiaanngunarluni.Najugaqartut ineqarfitsik oqoqartoq pasivaat, Najattaannguaq oqaluttuarpoq.
Nutaarsiassat Nuummeersut atuarneqarsinnaapput. Nuuk Ugeaviisi akeqanngitsumik ugguuna aaneqarsinnaavoq, aamma Nuummi kollegiat assigiinnginnerujussuat aviisimi AG-mi atuarneqarsinnaavoq, aviisi ataani pisiarineqarsinnaavoq