Ini-p inissisimanera Siumumit qulakkeerneqarnissaa politikkerinit piumasarineqarpoq

A/S Ini-p Sisimiuni qullersaqarfia Nuummut Nuunniarsarineqarpa? Tamanna pillugu Siumut tunuliaqutaralugu Inatsisartuni ilaasortaasut paaserusuppaat.

Qullersaqarfiup pisortaa Nuummi najugaqartariaqarnissaa apeqquteqartut ernumagaat.

Ini-mi pisortaasup apriilimi oqaasii Siumut tunuliaqutaralugu Inatsisartuni ilaasortaasut naammaginngilaat.

- Siumumiit isumarput qularutissaanngitsumik tassaavoq ingerlatsiviit inuiaqatigiinni pigineqartut sinerissamut siammarterneqarnissaat. Uanilu pisumi A/S Inip Sisimiuniit Nuummut nuunneqarnissaanik suliniutit aallartisarneqarfiattut isumaqarfigaarput. Qanormi paasissagaluaratsigu, Jess Svane aamma Anders Olsen apeqquteqarput.

Inissiaatileqatigiiffimmi pisortanngorlaap Henrik Rafnip qullersaqarfimmilu sulisup nuna tamakkerlugu immikkoortortaqarfimmik suleqateqarnissaq anguniarpaat, taamaammallu Nuummiikkuusullutik.

Tamannali Anders Olsenip Jess Svenellu paasisinnaanngilaat:

- Politikkikkut aaliangiisartut ornillugit ataatsimeeqatigineqartarsinnaapput, kisianni pingaarnerpaavoq A/S inip sullitani tassalu innuttaasut qanimut suleqatigilluarlugit ingerlanneqarnissaa. Ullutsinnili attaveqaatit pitsaasut atorlugit suliffeqarfinnik ingerlatsisinnaaneq pisinnaanngornikuuvoq, taamaammat eqiterutsitsiniaannarluni eqiterutsitsiniarneq Siumumiit akuersaanngilarput, allapput.

Iliuuseqartoqarnissaa neriuutigaat
Siumumit Naalakkersuisunut kaammttuutigaat matumani Naalakkersuisut pinginnittutut A/S-imut akuliuteqqullugit.

- A/S Inip siulersorneqarnera pisortaqartinneqarneralu Sisimiuni inissisimanissaat politikkikkut aalajangiisoqareernerata kingorna pinikuupput, taamaattumillu suliffeqarfiup pineqartup nutaamik aalajangersaavigineqarnera oqartussanik avaqqutaaraluni pinertut Siumumiit isumaqarfigaarput.