paarlaaneq
Ini nutaamik pisortaanertaarpoq
Inissiaatileqatigiiffik Inimi pisortaanerusimasoq Jukku Mølgaard ingerlaannartumik atorfimminit soraareersoq, inissiaatileqatigiiffik nutaamik pisortassaminik nassaarpoq
Inissiaatileqatigiiffik Inimi pisortaanerusimasup Jukku Mølgaardip atorfimminit ingerlaannartumik tunuareernerata kingorna paasissutissiisoqanngilaq sooq atorfimminit tunuarnersoq.
Inissiaatileqatigiiffik nutaamik pisortaanertaarsimasoq nalunaaruteqarpoq.
- Inip siulersuisuisa 14. april 2015 ataatsimiinnerminni aalajangiuppaat, Henrik Rafn 1. Juni 2015 aallanerfigalugu allaffissornikkut pisortaanertut atorfinitsissallugu, Ini A/S tusagassiutinut nalunaaruteqarpoq.
Henrik Rafn 52-inik ukioqarpoq Kalaallit Nunaannilu BDO-mi Senior Manageritut atorfimminngaanniit pisortaaninngussalluni. Tamatuma siuliani Qaasuitsup Kommuniani kommunaldirektøritut atorfeqarsimavoq.
- Henrik Rafnip suliassaata ilagissavaat Inip nutarterneqarnerata aallarnerneqareersup ingerlateqqinnissaa, Ini eqaannerusumik pitsaasumillu sullissisunngornissaa anguniarlugu, Inip siulersuisui nalunaaruteqarput.
Henrik Rafnip assinga ataani takuneqarsinnaavoq