ingerlatsiviit
INI 5,8 millioner koruuninik sinneqartooruteqarpoq
Isertitsissutaasut missingersuutinut ilaanngitsut aamma allaffissornikkut pitsanngorsaanerit sinneqartoortitsipput
Akileraannginnermi 5,8 millionit koruuninik 2015-imi sinneqartoorneq aammalu akileraareernermi 3,9 millionit koruuninik sinneqartoorneq.
Namminersorlutik oqartussanit ingerlatsiviup pigineqartup INI A/S-ip, Namminersorlutik Oqartussanut inissianik ingerlataqartup angusai taama isikkoqarput. Suliffeqarfik aamma pisortanut inissianik aningaasaliinernik suliaqartarpoq.
Pisariillisaaneq
2015imi sinneqartoornermut pissutaapput isertitsissutaasimasut missingersuutinut ilaanngitsut, soorluttaaq INImi allaffissornikkut pitsanngorsaanerit angusaqarluarnermut aamma patsisaaqataasimasut, siulersuisuni siulittaasoq Jette Larsen ilisimatitsivoq.
Ateq nutaaq
Ingerlatsiviup aamma taaguutaa naalisinneqarsimavoq. Suliffeqarfik Inissiaatileqatigiiffik A/S INI-mik taaguuteqaraluarpoq, maannali taaguutaa INI A/S-iinnanngorlugu naalineqarpoq.
INI A/S tunngaviusumik ukiuni marlunni atuuttussamik najoqqutassaqarpoq, taannalu INI A/S-ip anguniagaraa, pitsanngorsaanerit sullissilluarnerulernissallu 2017-imi atuutilersimanissaat tassani anguniagaallutik.
Atuaruk: INI-p attartortut 400-t politiinit aniseqquaat
Ingerlaqqittut
Siulersuisunut ilaasortat ingerlaqqissapput tassaallutik Jette Larsen, siulittaasutut ingerlaqqittussaasoq, ilaasortallu sinneri tassaapput Carsten Pietras, Karin B. Orgland aammalu Kristian May.
Sulisut sinnerlugit siulersuisuni ilaasortanngorput ArnâraK Z. Lennert aammalu Michael Renner Petersen.